Издательский дом Редакция Подписка
Погода в Якутске: . -12 oC

Габышева Парасковья Прокопьевна 1932 сыллаахха ахсынньы 5 күнүгэр төрөөбүтэ. Үөрэнэр кэмэ сэрии, сут сылларыгар түбэспитэ.

Габышева Парасковья Прокопьевна 1932 сыллаахха ахсынньы 5 күнүгэр төрөөбүтэ. Үөрэнэр кэмэ сэрии, сут сылларыгар түбэспитэ.

Күөллэрики,Төҥүлү оскуолаларыгар үөрэммит уонна Дьокуускай куорат 2 нүөмэрдээх оскуолатын бүтэрбит. Салгыы Пединститукка саха тылын салаатын1956 сыллаахха бүтэрэн баран, бастаан Матта оскуолатыгар 1956-1958 сылларга, онтон Төҥүлү орто оскуолатыгар 1959-1960 сылларга үлэлээбитэ.

dddb0c50 e7b2 425b b762 79e097159083

Тус олоҕун оңостон, 1959 сыл сайын Харитонов Макар Ильичтыын ыал буолан, алаhа дьиэ тэриммиттэрэ.

Парасковья Прокопьевна 1960 сыллаахтан Балыктаах орто оскуолатыгар саха тылын уонна литературатын үөрэппитэ. 1962-1968 сылларга завуһунан үлэлээбитэ. Саха тылын уонна литературатын кэбиниэтин тэрийэн, оройуоннааҕы куонкуруска иккис миэстэни ылбыта.

«Сардаҥа» юнкорскай поhу үлэлэтэн, 100-тэн тахса оҕо дьарыктанан, элбэх заметкалары, ыстатыйалары «Бэлэм буол», «Кэскил» оҕо хаһыаттарыгар, оройуон хаһыатыгар бэчээттэппиттэрэ. Хаһыат ыытар куонкурустарыгар кыттан, миэстэлэһэллэрэ. Ѳрѳспүүбүлүкэҕэ үчүгэй үлэлээх пост быһыытынан биллибиттэрэ. Мэҥэ Хаҥалас райкомун Бочуотун кинигэтигэр киллэриллибиттэрэ.

Парасковья Прокопьевна «Ленинскэй Знамя», «Эркээйи» хаһыаттар уопсастыбаннай корреспонденнара этэ.

Ытыктыыр учууталбыт Кыайыы 45 сылын көрсө оскуолаҕа Мэҥэ нэһилиэгин историятын музейын тэрийбитэ. Матырыйаалы булууга кылаастарга сорудах бэриллэн, ирдэбил үлэ ыытыллан кылаас салайааччылара бары турунан үлэлээн, балачча элбэх матырыйаалы хомуйан, музей 1990 сыллаахха Кыайыы күнүгэр үөрүүлээх быһыыга-майгыга аһыллыбыта. Бу музей бөһүөлэк үгүс дьоно кэлэн көрөр, сэргээн сылдьар миэстэтинэн буолбута. Эбии матырыйаалынан хааччыллан, 13 салааланан, сыл аайы тупсарыллан, хаңаан испитэ.

Парасковья Прокопьевна төһө да уопсастыбаннай үлэҕэ элбэхтик түбүгүрдэр, тустаах үлэтигэр элбэх сыратын ууран, саха тылыгар оройуоннааҕы олимпиадаларга үөрэнээччилэрэ сыл аайы кыттан миэстэлэһэллэрэ. Өр сыллаах эҥкилэ суох үлэтэ сыаналанан, ѳрѳспүүбүлүкэ Үөрэҕин министиэристибэтин икки Бочуотунай грамотатынан, оройуон үөрэҕин салаатын элбэх грамотатынан бэлиэтэммитэ. В.И. Ленин төрөөбүтэ 100 сааһын туолуутугар «За доблестный труд в ознаменование 100-летия со дня рождения В.И. Ленина» мэтээлинэн наҕараадаламмыта. РСФСР үөрэҕин туйгуна, «Старший учитель» диэн бэлиэнэн бэлиэтэммитэ. 1995 сыллаахха улуус Бочуотун кинигэтигэр киллэриллибитэ. 2002 сыллаахха Мэҥэ Хаҥалас улууhун уонна Мэҥэ нэһилиэгин бочуоттаах гражданинын, 2009 сыллаахха «Учитель учителей» диэн үрдүк ааттары ылбыта.

1995 сыллаахха Балыктаах орто оскуолатын 50 сааһын көрсө «Балыктаах орто оскуолата-50» диэн брошюра суруйан таһаартарбыттара.

741f925f b957 4b17 a126 340979cccca6

Бочуоттаах сынньалаҥҥа олорон, Парасковья Прокопьевна «Бииргэ үлэлээбит коллегаларым» кинигэтин — 2010 сыллаахха, «Утум салҕанар» кинигэтин — 2012 сыллаахха, «Умнуллубат үтүөлээх» кинигэтин — 2012 сыллаахха таhаартарбыта.

«Умнуллубат үтүөлээх» кинигэтэ кэргэнигэр, историк идэлээх Макар Ильич Харитоновка анаммыта, кини өр сыллаах педагогическай уонна уопсастыбаннай үлэтэ, олоҕун арахсыспат доҕоро буолбут спорка ситиһиилэрэ, дуобакка тренердээн дьоһун түмүктэри ситиспитэ иhирэхтик сырдатыллыбыта.

Оттон 2014 сыллаахха «Тракторист кыргыттар», «Төрөөбүт түөлбэм ини-бии буойуннара», 2015 сыллаахха «Алдаҥҥа көмүс промышленноһын төрүттэспиттэрэ,1930-с сыллар», 2016 сыллаахха «Умнуллубат ааттар», 2017 сыллаахха «Балыктаах оскуолата үөрэхтээһин эйгэтигэр 50 сыл» диэн бэртээхэй кинигэлэр утуу-субуу күн сирин кѳрбүттэрэ.

b986058a f642 47be 9c56 83c75700b38a

Сылааны билбэт ааптар, айымньылаах үлэhит кинигэлэрин архыыбы хасыhан, үѳрэтэн-чинчийэн, дьиҥнээх докумуоннарга олоҕуран суруйара ураты кэрэхсэбиллээх.

Парасковья Прокопьевна кэргэнэ Макар Ильичтыын 50-ча сыл эйэ дэмнээхтик олорон, утуму салгыыр биэс оҕолонон, билигин сиэннэринэн олохторо салҕанар, тупсар-киэркэйэр.

  • 4
  • 1
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением