“Кыһыл көмүс бөрүө” бириэмийэни “Киин куорат” хаһыат суруналыыһа Ксенофонтова Айыына ылла. Тэлэбиидэнньэ суруналыыстарыгар аналлаах “Кыһыл көмүс микрофон” бириэмийэ хаһаайынынан “Саха” НКИХ ыытааччыта, бырайыактар ааптара Максим Березин буолла. Араадьыйа үлэһиттэригэр “Кыһыл көмүс микрофон” бириэмийэ хаһаайынынан “Саха” НКИХ араадьыйа дирекциятын редактора Иван Тарасов ананна.
“Дебют года” номинацияҕа “Саха” ГТРК биэрии кэрэспэндьиэнэ Айтал Павлов кыайда. «Сыл бастыҥ Интэриниэт таһаарыыта» “Саха” НКИХ «ЧОХООН» оҕо ханаала буолла. “Сыл бастыҥ дизайна” ааты Хаҥалас оройуонун “Хаҥалас” хаһыат тэхиниичэскэй эрэдээктэрэ Арсентий Афанасьев ылла.
“Көдьүүстээх суруйуу” ааты “Кыым” хаһыат кэрэспэндьиэнэ Саргылана Багынанова ылла. “Бастыҥ уопсастыбаннай кэрэспэндьиэнинэн” «Ил Түмэн» хаһыат уопсастыбаннай кэрэспэндьиэнэ Валентина Соломонова ааттанна. “Бастыҥ пресс-сулууспа” диэн Дьокуускай куорат мэриятын пресс-сулууспата буолла.
“Медиа-персона Года” үрдүк ааты “Ил Түмэн” издательскай дьиэ генеральнай дириэктэрэ-кылаабынай эрэдээктэрэ, норуот дьокутаата Мария Христофорова ылла. Кэллиэгэбитин Мария Николаевнаны өр сыллаах сыралаах үлэтэ сыаналаммытынан эҕэрдэлиибит.
-
3
-
0
-
0
-
0
-
0
-
2
