“В” категорияҕа үөрэнээччилэргэ массыынаны ыытыы чааһа 38-тан 42 чаас буолла. Оттон теорияны үөрэтиигэ кэккэ ирдэбиллэр бигэргэннилэр, аныгы үөрэх технологиялара туһаныллар буоллулар. Тэйиччиттэн үөрэниигэ кылааска кэлэн олорор ирдэммэт эрээри, анал бырагыраамаҕа киирэн бэлиэтэнии баар буолла.
Үөрэнээччи тэйиччиттэн да боппуруос биэрэр, онно толору эппиэт ылар бырааптаах. Эрэгийиэннээҕи Рособрнадзор уруок ыытыытын бэрэбиэркэлиир боломуочуйалаах.
Урукку курдук автооскуоланы кытары дуогабар түһэрсэн, төлөбүр оҥорон баран лиэксийэлэрдээх, сорудахтаах диискэлэринэн үөрэнии, онно олоҕуран эксээмэн туттарыы суох буолла.
Үөрэниини автооскуолаларга эрэ буолбакка, таксопааркаларга уонна автокэмбинээттэргэ ааһыахха сөп. Оччотугар суоппар идэтин баһылаан диплом ылаллар.
Үөрэтии бырагырааматын ахсаана аччаата, 62-тэн 47 буолла. Холобур, оптуобус суоппара "D" категорияҕа хаттаан үөрэнэр сөбө суох диэн исписэлиистэр этэллэр, онон бу категорияны ыларга туспа бырагыраама буолбакка, кылгас болдьохтоох “переподготовка” ирдэнэр.
Кулун тутар 1 күнүгэр диэри бары автооскуолалар ГИБДД-тан саҥа үөрэх бырагырааматыгар сөп түбэһэллэрин туһунан түмүк ылыахтаахтар.
-
0
-
0
-
0
-
0
-
0
-
0
