Быйылгыттан «Дьиэ кэргэн төлөбүрэ» диэн саҥа өйөбүл дьаһала киириэҕэ. Социальнай пуонда бэс ыйын 1 күнүттэн сайабылыанньалары тутууну саҕалыа. Сыл ахсын көрүллэр төлөбүр бу көрүҥүнэн иккиттэн элбэх оҕолоох дьиэ кэргэн туһаныаҕа. Төлөбүрү үлэлээбит уонна түһээни төлөөбүт эрэ төрөппүккэ төннөрүөхтэрэ. Бэйэ дьарыктаахтар уонна анал эрэһииминэн үлэлээччилэр сатаан хапсыбаттар диэн быһаараллар.
Ирдэбиллэр: ыал улахан оҕотун сааһа 18 буолуохтаах, өскөтүн үөрэх кыһатыгар сирэй үөрэнэр буоллаҕына, 23 саастаах. Дьиэ кэргэн дохуота эрэгийиэҥҥэ көрүллүбүт тиийинэн олоруу алын кээмэйин 1,5 төгүл куоһарыа суохтаах. 2026 сылга сайабылыанньаны 2025 сыл дохуотунан бэриллэр. Болдьоҕо – алтынньы 1 күнүгэр диэри.
Быһааран эттэххэ, сыл ахсын үлэлиир киһи хамнаһыттан 13 %-ы түһээҥҥэ төлүүр. Сыл түмүгүнэн судаарыстыба бу түһээни хаттаан 6 % тэҥнээн ааҕыа, ол ордугун төннөрүө.
Сайабылыанньаны элбэх өҥөнү оҥорор кииннэргэ эбэтэр Социальнай пуонда офистарыгар биэриэххэ сөп. Докумуоннар сүрүн өттүлэрин Социальнай пуонда бэйэтэ тустаах уорганнартан ирдиир, киһи сорох эрэ ыспыраапкалары бэйэтэ тиэрдэрэ ирдэнэр. Холобур, сокуоннай сааһын туолбут оҕо устудьуон буоларын уонна сирэй үөрэнэрин тоһулуур ыспыраапкалары. Төлөбүрү ыларга сайабылыанньа сыл ахсын толоруллар.
-
0
-
0
-
0
-
0
-
0
-
0
