Бу дааннайдарын биэрэртэн аккаастанарга тустаах сайабылыанньаны элбэх өҥөнү оҥорор кииҥҥэ толоруллар, ол биир күн иһигэр биометрическэй тиһик эпэрээтэригэр ыытыллар. Бу иннинэ тиһиккэ киирэргэ сөбүлэҥи биэрбит буоллахха, ону төттөрү ирдээн ылыахха сөп.
Ол эрээри, биометрия олохпут бары салаатыгар киирэн эрэрин өйдүөх тустаахпыт. Холобур, быйыл бэс ыйын 1 күнүттэн 2027 сыл муус устар 1 күнүгэр диэри Пулково уонна Шереметьево аэропуортарга эспэримиэн быһыытынан, пассажирдары биометриянан аһардар буолуохтара. Бу саҥа сүүрээн Москуба уонна Санкт-Петербург куораттар икки ардыларыгар көтөр «Аэрофлот» эриэйистэригэр киириэҕэ.
Эспэримиэн пассажирдарга баҕа өттүнэн олохтонор. Арассыыйа эрэ кыраасданнара буолбакка, омук дойдуларын дьоно уонна кырасдааныстыбата суохтар эмиэ туһаныахтарын сөп.
Биометриянан бэрэбиэркэни ааһарга биир кэлим биометрическэй тиһиккэ чахчылары киллэрии ирдэнэр. Маны боломуочуйалаах бааҥҥа, аэропортарга, анал туочукаларга, «Судаарыстыба өҥөтүн» порталыгар уонна элбэх өҥө оҥорор кииннэрин нөҥүө оҥоруохха сөп. Биометрическэй чахчылар бэлиэтэммиттэрин «Судаарыстыба өҥөтүн» порталынан бэрэбиэркэлэнэр.
-
0
-
0
-
0
-
0
-
0
-
0
