Арассыыйа оскуолаларыгар саҥа үөрэх дьылын 2026 сыл балаҕан ыйын 1 күнүгэр саҕалыырга уонна 2027 сыл ыам ыйын 26 күнүгэр түмүктүүргэ сүбэлииллэр. Бу туһунан РФ Үөрэх министиэристибэтин пресс-сулууспатыгар иһитиннэрдилэр.
«Арассыыйа Федерациятын үөрэх министиэристибэтэ субъектарга 2026-2027 үөрэх дьылыгар сынньалаҥы тэрийиигэ уонна үөрэнии графигар сүбэлэри ыытта. <...> Саҥа үөрэх дьыла 2026 сыл балаҕан ыйын 1 күнүгэр саҕаланыаҕа уонна 2027 сыл ыам ыйын 26 күнүгэр түмүктэниэҕэ», — диэн иһитиннэриигэ этиллэр.
Оҕолор кыһыҥҥы сынньалаҥнара ахсынньы 31 күнүттэн тохсунньу 10 күнүгэр диэри буолуоҕа, ол эбэтэр уопсайа 11 күҥҥэ тиийиэҕэ.
Урут ТАСС иһитиннэрбитинэн, үөрэх министиэристибэтэ күһүҥҥү сынньалаҥнары 2026 сыл алтынньы 26 күнүттэн сэтинньи 3 күнүгэр диэри, сааскыны — 2027 сыл кулун тутар 27 күнүттэн муус устар 4 күнүгэр диэри, кыһыҥҥы сынньалаҥнары 2026 сыл ахсынньы 31 күнүттэн 2027 сыл тохсунньу 10 күнүгэр диэри ыытарга сүбэлээбит, оттон сайыҥҥыны — 2027 сыл ыам ыйын 27 күнүттэн атырдьах ыйын 31 күнүгэр диэри.
Хаартыска: Галина Матвеева түһэриитэ
-
0
-
0
-
0
-
0
-
0
-
0
