Ол курдук, Роспотребнадзор этиитинэн, үс оскуолаҕа, үс оҕо уһуйааныгар, ону таһынан үөрэх, култуура уонна спорт тэрилтэлэригэр харантыын биллэрилиннэ.
Бу эпидемическэй боруогу саастарыттан тутулуга суох, ону сэргэ холбуу нэһилиэнньэни кытта аһардыыта бэлиэтэнэр.
Ленскэй оройуонун кылаабынай санитарнай бырааһа, Роспотребнадзор территориальнай отделын салайааччыта Андрей Беляев иһитиннэрбиттэринэн, ааспыт нэдиэлэ кэтээн көрүү түмүгүнэн, оройуоҥҥа ОРВИ ыарыы 3,3 төгүл куоһарар.
"Сүрүннээн оскуола иннинээҕи саастаах оҕолор, ону таһынан 14-гэр диэри оскуола оҕолоро ыалдьаллар. Итинэн сибээстээн, санитарнай быраастар сэтинньи 29 күнүттэн ахсынньы 5 күнүгэр диэри үөрэнээччилэри дистанционнай эрэсиимҥэ 1, 3 уонна 4 №- дээх оскуолаларга көһөрөргө сүбэлээтилэр. Эмиэ бу кэмҥэ 50%- тан тахса оҕо ыалдьан, «Солнышко», «Искорка» уонна «Золотой ключик» оҕо уһуйааннарын харантыыҥҥа сабарга сорудахтанна", – диэн иһитиннэрдилэр.
Эбии үөрэхтээһин, ускуустуба оскуолалара уонна спортивнай тэрилтэлэр харантыын бүтүөр диэри оҕолору дьарыктыыры тохтотоллор.
Атын үөрэх тэрилтэлэригэр салгыы кэтээн көрүү ыытыллар уонна кылаастарынан эбэтэр бөлөхтөрүнэн ыарыы 20%-нын куоһардаҕына, үөрэҕи быстах кэмҥэ тохтотоллоругар сорудахтанна.
-
0
-
0
-
0
-
0
-
0
-
0
