Марий Эл Өрөспүүбүлүкэтигэр баһылык эбээһинэһин быстах кэмҥэ толорооччунан Калмыкия бырабыыталыстыбатын бэрэссэдээтэлэ Юрий Зайцев ананна. Кировскай уобаласка — Судаарыстыбаннай сэбиэт үлэтин хааччыйыыга Кириэмиллээҕи управлениетын референэ Александр Соколов; Рязань уобалаһыгар — Росстат баһылыга Павел Малков; Саратов уобалаһыгар — уобалас бырабыыталыстыбатын бэрэссэдээтэлэ, вице-күбүрүнээтэр Роман Бусаргин; Томскай уобаласка — ис бэлиитикэ Кириэмиллээҕи управлениетын начаалынньыгын солбуйааччыта Владимир Мазур.
Судаарыстыба лиидэрэ эрэгийиэннэргэ быстах кэмҥэ баһылык эбээһинэһин саҥа толорооччулары хас биирдиилэрин кытта видео-сибээһинэн кэпсэттэ уонна субъектарын хайдах быһыылаахтык сайыннараары гыналларын биллэ.
Бу иннинэ Арассыыйа биэс күбүрүнээтэрэ дуоһунастарыттан бараары гыналларын туһунан биллэрбиттэрэ: Кировскай уобалас күбүрүнээтэрэ Игорь Васильев, Томскай уобалас баһылыга Сергей Жвачкин, Саратов уобалаһын күбүрүнээтэрэ Валерий Радаев, Марий Эл баһылыга Александр Евстифеев уонна Рязань уобалаһын күбүрүнээтэрэ Николай Любимов
-
1
-
0
-
0
-
0
-
0
-
0
