«Нэһилиэктэргэ кэтэх дьиэлэри дьон бэйэтин күүһүнэн туттар, онон бырагыраама биһиги усулуобуйабытыгар сөп түбэһэр. Ипотека 9 бырыһыаннаах буолуоҕа. Бэриллэр суума муҥутаан 6 мөл. солкуобай», — диэтэ Айсен Николаев.
Санатан эттэххэ, ааспыт нэдиэлэҕэ РФ Бырабыыталыстыбатын Бэрэссэдээтэлэ Михаил Мишустин кэтэх дьиэ туттуутугар чэпчэтиилээх ипотека пилотнай бырайыага саҕаланарын эппитэ. Маныаха идэтийбит тутааччылары кытары дуогабар түһэрсиллэрэ ирдэммэт буолла.
Чэпчэтиилээх ипотека усулуобуйата маннык:
Ыстаапката — 9%;
Саха Сирин олохтоохторугар бэриллэр кирэдьиит суумата — 6 мөл солк;
Маҥнайгы төлөбүр — кирэдьиит уопсай суумататыттан 20%-ҥа тэҥнэһэр; Рефинансирование оҥоһуллубат;
Бырагыраама үлэлиир болдьоҕо — 2022 сыл ахсынньы 31 күнүгэр диэри.
Бааны кытта дуогабар түһэрсиллибит кэмиттэн дьиэ 12 ый иһигэр тутуллан үлэҕэ киириэхтээх.
Солуок быһыытынан дьиэ тутуллар сирин учаастага, эрдэ тутуллубут дьиэ ылыллар.
Ипотека дуогабарын түһэрсии ыстандаарт быһыытынан барар эрээри, харчы транштарынан түһэр.
Бырагыраамаҕа 70 баан уонна араас кредитордар киирсэллэр.
-
2
-
0
-
0
-
0
-
0
-
1
