Бэчээт эйгэтин ытыктабыллаах үлэһиттэрэ!
Издательский дом Редакция Подписка
Погода в Якутске: . 25 oC

Эһигини саха бастакы көлүөнэ национальнай интэлигиэнсийэтин көҕүлээһининэн бастакы сахалыы тыллаах хаһыат тахсыбыт күнүнэн, Саха Сиригэр Национальнай бэчээт күнүнэн истиҥник эҕэрдэлиибин!

Эһигини саха бастакы көлүөнэ национальнай интэлигиэнсийэтин көҕүлээһининэн бастакы сахалыы тыллаах хаһыат тахсыбыт күнүнэн, Саха Сиригэр Национальнай бэчээт күнүнэн истиҥник эҕэрдэлиибин!

Саха бэчээтин историятыгар маннык күн баар буолуутун утарсыы уһун уонна балайда күүстээх этэ. Ол иһигэр бэчээт эйгэтигэр үлэлии сылдьар дьон ортотуттан эмиэ. Ити утарсыыны туоратан, биһиги өрөспүүбүлүкэбитигэр национальнай, олохтоох бэчээт күнэ олохтонорун туһугар дьулуспут, үлэлэспит бары дьоҥҥо махтал тыллара кэнэҕэс да этиллэ туруохтара.

Төрөөбүт тылынан суруйар, саҥарар бэчээт үлэһиттэригэр билигин олохтоох бэчээт бастаан саҕаланарыгар турбут соруктарыттан итэҕэһэ суох суолталаах сорук турар –төрөөбүт тылы харыстаһыы, чөл хаалларыы. Ити кылаан сорук хас биирдиибит өйүттэн хаһан да түһүө суохтаах. Дьоһуннаах, таба тыллаах-өстөөх суруйууну, биэриини дьон-сэргэ хаһан баҕарар таба өйдүөҕэ, ылыныаҕа.

Хас биирдии суруйуугут, этиигит ыйааһыннаах, кырдьыктаах, дьоһун, үйэлээх буоллун. Куйаары эргийэ көтөн, тус бэйэҕитигэр махталынан, ытыктабылынан эргийдин. Үлэбит диэн үлэлиир үлэҕит эһиэхэ хас биирдиигитигэр астыныыны-дуоһуйууну аҕаллын, бар дьону үтүөҕэ угуйдун, кынаттаатын. Төрөөбүт норуоккут, төрүт тылгыт чэчирии сайдарын туһугар үлэлээҥ-хамсааҥ, сылайары-кэхтэри билинимэҥ. Тус бэйэҕит сайдан иһиҥ, тылгытын-өскүтүн чопчулааҥ, чочуйуҥ, айар үлэ чыпчаалыгар дабайыҥ!

Иннигитигэр үрдүк өбүгэлэрбит үтүө ааттара өрүүтүн күлүмнүү, ыҥыра туруохтун!

Александр Жирков,

 Саха Өрөспүүбүлүкэтин Ил Түмэнин

 Бэрэссэдээтэлин бастакы солбуйааччы

  • 2
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости