Арассыыйа бэрэсидьиэнэ Владимир Путин РФ Холуобунай кодексыгар дойду куттала суоҕун утары дьайыыга аһаҕастык ыҥырыы туһунан ыстатыйаны эбэр федеральнай сокуоҥҥа илии баттаата. Докумуон быраап информациятын официальнай интэриниэт порталыгар таҕыста.
Ол курдук, Арассыыйа куттала суох буолуутун утарарга аһаҕастык ыҥырар, итиэннэ былаас уорганнара бу куттала суох буолууну хааччыйар боломуочуйаларын толороллоругар мэһэйдиир дьоҥҥо холуобунай эппиэтинэс суоһуур. Муҥутуур улахан накаастабыл түөрт сылга тиийэ көҥүлү быһыыны көрөр.
Чопчулаатахха, үлэҕэ балаһыанньаьын, ону тэҥэ СМИ-ни биитэр интэриниэти туһанан, дойдуну утары үлэни ыыттахха – көҥүлүҥ быһыллар. Хаайыллыы муҥутуур болдьох алта сылга диэри, оттон бу дьайыылары тэрээһиннээх бөлөх оҥордоҕуна - сэттэ сылга диэри улаатта.
***
Дуумаҕа судаарыстыбаны таҥнарыы иһин 20 сылга тиийэ көҥүлү быһыыны көрөр сокуон барылын өйөөтүлэр. Буруйданааччы омук судаарыстыбатын бэрэстэбиитэлин кытта кистэлинэн үлэлэһии туһунан былаас уорганнарыгар бэйэтин баҕатынан уонна кэмигэр эттэҕинэ, буруйтан быыһаныан сөп.
***
Омук сирин агеннарын туһунан көннөрүүлэр II ааҕыыга ылылыннылар. Докумуон этэринэн, омук агеннара судаарыстыбаттан үбүлэммэт уонна судаарыстыба харчытынан атыыласпат буолуохтара. Ону тэҥэ, омук агеннарынан билиниллэр кыахтара суох субъектар чопчуланнылар.
***
2022 сыл олунньу 24 күнүттэн Украинаҕа, Донецкай Норуодунай Өрөспүүбүлүкэтигэр уонна Луганскай Норуодунай Өрөспүүбүлүкэтигэр анал байыаннай операцияҕа сорудаҕы толорууга кыттыбыт, бигэргэммит болдьоҕун толору сулууспалаабыт биитэр убаастанар биричиинэнэн болдьоҕун төттөрү кэлбит, ону тэҥэ байыаннай кэрэспэдьиэннэргэ бойобуой дьайыы бэтэрээнин статуһа иҥэриллиэҕэ. Дьокутааттар сокуону биир санаанан өйөөтүлэр.
***
Арассыыйаҕа экстремист матырыйаалын дааннайдарын информационнай баана оҥоһуллуоҕа.
Госдума дьокутаата Василий Пискарев бэлиэтээбитинэн, маннык дааннайдаах бааны тэрийии экстремизми уонна терроризмы утарар үлэ, итиэннэ суһаллык силиэстийэлээн булар тэрээһин көдьүүһүн үрдэтэргэ көҕүлүөҕэ.
***
МЧС уонна Росгвардия миинэни устар боломуочуйаланалларын туһунан сокуон барылын Госдума дьокутааттара II ааҕыыга өйөөтүлэр.
***
“Информационнай уонна технологическай сэрии кэмигэр гражданнарбытыгар саамай суолталаах сервистэр бигэ үлэлэрин хааччыйыахтаахпыт”, - диэн эттэ Госдума информационнай бэлиитикэҕэ, информационнай технологияларга уонна сибээскэ кэмитиэтин бэрэссэдээтэлин солбуйааччы Антон Горелкин.
Биллэриини таһаарар сервистэргэ гражданнарбыт бырааптарын көмүскүүр сокуон барылын Госдума I ааҕыыга биһирээтэ.
***
Тас атыы эйгэтигэр оҥоһуллубут уонна доҕордуута суох судаарыстыбалартан хааччахтыыр миэрэлэри киллэриигэ тиэрдиэн сөптөөх дуогабар түһэрсиилэрэ, сөбүлэҥҥэ илии баттаһыылар (сделкалар) тустарынан информация СМИ-гэ уонна интэриниэккэ тарҕаныа суоҕа.
***
РФ тас дойдуларга байыаннай операциялары ыытарыгар экэниэмикэ анал миэрэлэрин киллэрэр кыахтанарын туһунан сокуон ылылынна.
“Бу сокуону киллэрии байыаннай күүстэр, атын сэриилэр, сэрии чаастара уонна барыып уорганнара соруктарын толороллоругар туох баар наадаларынан бары өттүнэн уонна кэмигэр хааччыйыы түргэнин уонна көдьүүһүн үрдэтэргэ көҕүлүөхтэрэ”, - диэн эттэ Оборонаҕа кэмитиэт баһылыга Андрей Картаполов.
***
«Арассыйаҕа олоруу» туһунан сокуону толорбот тас дойду хампаанньалара киллэрбит табаардарын кээмэйиттэн уон гыммыт бииринэн ыстарааптаныахтара. Көрдүүр систиэмэ оператордара, хостиннар провайдердара, рекламаны тарҕатааччылар уонна биэрээччилэр 5 мөл. солкуобайынан ыстарааптаныахтара.
***
Судаарыстыбаны таҥнарыы уонна бэйэ дойдутун интэриэһин утары сэбилэниилээх дьайыыларга кыттыы иһин 12-тэн 20 сылга диэри холуобунай эппиэтинэс уонна 500 тыһ. солкуобайга диэри ыстараап көрүллүөҕэ.
Үспүйүөннээһин уонна судаарыстыбаннай кистэлэҥи этэн биэрии иһин накаастабыл эмиэ ити курдук буолуоҕа.
***
Өлбүт байыаннайдар кэргэннэригэр, оҕолоругар дьиэни биэрии бэрээдэгэ уларыйда.
Аны бэриллэр дьиэ иэнин ааҕарга байыаннай аҕа өлбүтүн кэннэ төрөөбүт оҕолор учуоттаналлар.
***
Холуобунай-толоруулаах систиэмэ тэрилтэлэригэр (хаайыыга, СИЗО, о.д.а.) сибээс сириэстибэлэрин (суотабай, спутниковай төлөпүөннэр, о.д.а.) уоран биэриигэ иккиһин түбэһии иһин холуобунай эппиэтинэһи киллэрэр сокуон барыла бэлэмнэнэн, РФ Бырабыыталыстыбатыгар түмүк оҥоруутугар барда. “Арассыыйа Үрдүкү суута докумуону өйөөбүтэ”, - диэн кэпсээтэ Госдума информационнай бэлиитикэҕэ кэмитиэтин баһылыга Александр Хинштейн.
***
Суверенитеты көмүскээһин Конституция эбээһинэһэ буолар. “Дойдубут кыаҕын уонна көҕүн иһиттэн мөлтөтөөрү гынар дьону киллэримиэххэ”, - диэтэ Куттала суох буолуу уонна хоруупсуйаны утарыы кэмитиэтин бэрэссэдээтэлэ Василий Пискарев. Сокуон барылын III ааҕыыга ылыннылар.
***
Анал байыаннай операцияҕа кыттыһа сылдьар пограничниктар, ФСБ үлэһиттэрэ байыаннай дьайыылар бэтэрээнэ диэн статуһу ылар бырааптаннылар.
***
Бэрэссэдээтэл Володин Госдума оборонаҕа кэмитиэтин салайааччыта Андрей Картаполовка Донецкай уонна Луганскай Норуодунай Өрөспүүбүлүкэлэри неонацизмтан босхолуур, эйэлээх олоҕу түстүүр анал байыаннай операцияҕа сырдык тыыннарын толук уурбут дьону кэриэстиир күнү олохтуур туһунан сокуон барылын РФ Оборонаҕа министиэристибэтин кытта бэлэмнииллэригэр эттэ.
***
Арассыыйа көрдөрөр-иһитиннэрэр сириэстибэлэрэ (тэлэбиидэнньэ, хаһыат-сурунаал, араадьыйа, саайт, социальнай ситимнэр) тас дойдулар доҕордуута суох дьайыыларыгар соннук хардарар бырааптаахтарын туһунан сокуон барыла II ааҕыыга ылыллыбыта. "РФ генеральнай борокуруора биһиги СМИ дэнэр эйгэбитин баһааҕырдар дойдуларга сааҥсыйа биллэрэр кыахтаах", -- диэн Госдума информационнай бэлиитикэҕэ кэмитиэтин баһылыга Александр Хинштейн быһаарар.
***
Биэнсийэлээх байыаннайдар биэнсийэлэрин 10 бырыһыан улаатыннарар туһунан сокуон барылыгар Бэрэсидьиэн Путин илии баттаата.
***
-
0
-
0
-
0
-
0
-
0
-
0
