Ыччаты иитии уонна үөрэх саҥа сокуоннара
Издательский дом Редакция Подписка
Погода в Якутске: . 20 oC

Билигин болҕомто ыччаты патриоттуу иитиигэ уонна үөрэх национальнай систиэмэтин олохтуурга ууруллар.

Билигин болҕомто ыччаты патриоттуу иитиигэ уонна үөрэх национальнай систиэмэтин олохтуурга ууруллар.

Госдума дьокутааттара үһүс ааҕыыга «Оҕо уонна ыччат Арассыыйатааҕы хамсааһынын туһунан» сокуону ылыннылар. Иккис ааҕыыга 62 көннөрүү киирбитэ, ол иһигэр бу хамсааһын хантан үбүлэнэрин чопчулааһын буолла, ону тэҥэ настаабынньыктарга судаарыстыбаннай өйөбүл миэрэлэрэ бигэргэннэ.

ЛДПР баартыйа тустаах хамсааһыны Юрий Гагарин аатынан, оттон хамсааһын кыттааччыларын «гагариннар» диэн ааттыырга этии киллэрдэ.

“Оҕо уонна ыччат Арассыыйатааҕы хамсааһынын тэрийии – уопсай кыайыыбыт буолар”, - диэтэ Ольга Казакова.

Хамсааһыҥҥа оҕолор 6 саастарыттан кыттыахтарын сөп. Үлэ кодексынан педагогическай дьарыктара көҥүллэнэр орто үөрэхтээх дьон, итиэннэ оҕолор төрөппүттэрэ эбэтэр атын сокуоннай бэрэстэбиитэллэрэ настаабынньыктыыр кыахтаныахтара.

***

Чэпчэтиини туһанар гражданнар колледжка бастакы уочаратынан киирэллэрин хааччыйар «Үөрэх туһунан» сокуоҥҥа көннөрүүлэри парламентарийдар II ааҕыыга ылыннылар.

Маннык категорияҕа тулаайах оҕолор, I уонна II группалаах инбэлиит оҕолор, ытык иэстэрин толоро сылдьан өлбүт байыаннай сулууспалаахтар оҕолоро киирсэллэр. Ону таһынан сулууспаларын эбээһинэстэрин толоро сылдьан өлбүт ис дьыала уорганын, Росгвардия уонна сэбилэниилээх күүс атын структураларын үлэһиттэрин оҕолоругар бу чэпчэтиилэри аныырга этилиннэ.

***

Атын идэҕэ иккис үөрэх инбэлииттээх киһиэхэ босхо буолуоҕа. Маннык сокуону Госдума ылынна.

***

Төрөппүттэр уонна инбэлиит оҕолор стационарга бииргэ сыталларын көҥүллүүр сокуон барылын дьокутааттар өйөөтүлэр. Оҕо бэйэтэ хаамар уонна хааччынар кыаҕа суох буоллаҕына, сааһыттан тутулуга суох, инбэлиит оҕо төрөппүттэригэр эбэтэр опекуннарыгар палаатаҕа босхо миэстэ, аһылык биэриэхтэрэ.

***

Тулаайах оҕолору олохтоох дьаһалта аадырыһыгар регистрациялыыр кыаҕы дьокутааттар II ааҕыыга өйөөтүлэр.

***

Атын дойду устудьуоннара Арассыыйаҕа бэйэлэрин квоталарын иһинэн, уопсай төрүккэ олоҕуран буолбакка, үөрэнэллэригэр  быстах кэмҥэ олорууга көҥүл биэрэр сокуону Госдума ылынна. Көҕүлээһин сирэй салааҕа үөрэнэр устудьуоннары таарыйыаҕа.

***

Оскуолаҕа  “продленка” бөлөҕүн үлэтигэр биир сыһыан сокуон таһымыгар олохтонно.

Уһатыллыбыт күҥҥэ оскуола оҕолоро дьиэҕэ үлэни толоруохтара, физкультура-чэбдигирдии уонна култуура тэрээһиннэригэр кыттыахтара.

***

«Сиэрдээх Арассыыйа – Кырдьык Иһин» оскуола оҕолорун уонна устудьуоннары ыраахтан үөрэтиини бобор туһунан сокуон барылын Госдума көрүүтүгэр киллэрдэ.

Үрдэтиллибит бэлэм буолуу эбэтэр ыксаллаах быһыы-майгы эрэсиимэ олохтонноҕуна эрэ ыраахтан үөрэтии киириэхтээх.

***

Оскуолаларга доруобуйаларынан хааччахтаах оҕолору күҥҥэ иккитэ босхо аһатар туһунан сокуон барылын Госдума биир санаанан бигэргэттэ. Мантан ыла доруобуйатынан хааччахтаах хас биирдии оҕо интэринээккэ, оскуолаҕа эбэтэр дьиэҕэ үөрэнэриттэн тутулуга суох, аһылыкка чэпэчтиинэн туһанар буолуоҕа.

***

Үөрэх туһунан сокуонтан “үөрэх өҥөтө” диэн өйдөбүл сотулунна. “Учуутал уһуйуутун өҥө курдук быһаарыы атыы-эргиэн эйгэтин санатар уонна оннук өйдөнөр. Маннык сыһыаны суох гынарга”, - бэлиэтээтэ Ольга Казакова.

***

Федерация Сэбиэтэ «Арассыыйа Федерациятыгар үөрэхтээһин туһунан» сокуоҥҥа учууталларга бүрүкүрээт ноҕоруускатын сүктэриини аччатар туһунан көннөрүүлэри өйөөтө. Бу боппуруос дьүүллэһиллибитэ балачча буолла. Ыйытыкка кыттыбыт учууталлар 67 %-ара иитэр-үөрэтэр үлэһит кумааҕынан көмүллүүтэ улаханын бэлиэтээбиттэр. Учууталтан 50 араас докумуону уонна отчуоту толорор ирдэнэрэ уруокка бэлэмнэнии, тэтэрээттэри бэрэбиэркэлээһин хаачыстыбатыгар охсор, үөрэнээччини кытары тустаан дьарыктанарга бириэмэ да, күүс-сэниэ да ордубат.
Саҥа сокуон учууталлартан Үөрэх министиэристибэтэ олохтообут кэрискэтин таһынан отчуоту ирдиири бобор. Ону сэргэ оскуолаларга докумуону электроннай көрүҥүнэн, кумааҕынан дубликата суох оҥоророру, туһанары, харайары көҥүллүүр. Ити учууталлар иитэр-үөрэтэр үлэҕэ болҕомтолорун ууралларыгар кыаҕы биэриэҕэ.

***

Манна даҕатан эттэххэ, быйылгы үөрэх дьылыттан оскуолаларга хас нэдиэлэ бастакы күнүгэр Арассыыйа былааҕын күөрэччи таһаарар үтүө үгэс олохтонуоҕа. РФ Үөрэххэ министиэристибэтэ РФ Бэрэсидьиэнин иһинэн Геральдическай сэбиэти кытта биир сүбэнэн РФ судаарыстыбаннай былааҕы таһаарыы уонна түһэрии церемониятын ыстандаартын бигэргэттэ

Билэргит курдук, Бэрэсидьиэн Владимир Путин бэс ыйын 27 күнүгэр «Арассыыйа Федерациятыгар Педагог уонна настаабынньык сылын ыытар туһунан» Ыйааҕы таһаарбыта. Онон иитэр үлэҕэ болҕмото күүһүрэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением

Другие новости

Соцсети

Чем опасен VPN

Тема вредности VPN-сервисов — специальных протоколов, которые позволяют посещать…
16.08.22 12:37