Алексей Еремеев Татарстаан Өрөспүүбүлүкэтин салалтата парламеннар уонна эрэгийиэннэр икки ардыларыгар бииргэ үлэлээһиҥҥэ улахан болҕомтону уурарын бэлиэтээтэ. Ол курдук, 2012 сыллаахха Саха Өрөспүүбүлүкэтин Судаарыстыбаннай Мунньаҕын (Ил Түмэн) уонна Татарстаан Өрөспүүбүлүкэтин Судаарыстыбаннай Сэбиэтин икки ардыларыгар түһэрсиллибит Сөбүлэһии өрөспүүбүлүкэлэр хардарыта ситимнээхтик үлэлэлииллэрин түстүүрүн уонна Арассыыйа Федерациятын стратегическай сайдыытыгар улахан оруолу ыларын ордук чорботон эттэ.
Фарид Мухаметшин парламеннар икки ардыларыгар ситимнээх сыһыан Арассыыйа Федерациятын эрэгийиэннэрин сокуону оҥорооччулара уопут атастаһыыларыгар уонна бастыҥ холобурдары үлэлэригэр туһаналларыгар кыах биэрэр диэн бэйэтин санаатын биллэрдэ.
Парламентарийдар түһэрсиллибит Сөбүлэһии чэрчитинэн салгыы көхтөөхтүк ылсан, саҥаттан саҥа хайысхаларынан бииргэ үлэлииргэ бэлэмнэрин биллэрдилэр уонна көрсүһүүлэр, санаа атастаһыылар чопчу бырагыраамаларын кытта билистилэр.
Татарстаан уонна Саха Сирин сокуону оҥорор уорганнарын бииргэ үлэлээһиннэрэ нуормалыыр-бырааптыыр аакталары сөбүгэр түһэриигэ, улахан суолталааах федеральнай сокуоннар барылларын дьүүллэһэргэ кыах биэрэр, бу икки национальнай өрөспүүбүлүкэлэр интэриэстэрин учуоттуурга ордук сөптөөх хайысханы тутуһуннарар.
Ил Түмэн пресс-сулууспата
Хаартыскалар: Татарстаан Судаарыстыбаннай Сэбиэтин пресс-сулууспата
-
0
-
0
-
0
-
0
-
0
-
0
