Өрөспүүбүлүкэ парламенын испиикэрэ бу тэрээһин бүддьүөттэр тэҥнэбиллээх буолууларын чуолкайдаһар уонна социальнай боппуруостары быһаарыыга туһуламмыт былаһааккатыгар кыттан, федеральнай чэпчэтиинэн туһанар дьону эминэн хааччыйыы чааһыгар анаммыт сокуон көҕүлээһинин киллэрдэ.
“Билигин бу хайысхаҕа ураты балаһыанньа үөскээн турар. Ол курдук, кырасданьыын федеральнай киинтэн анал төлөбүрү ыларын ааһан, эрэгийиэн суотугар босхо эми туһанарга ирдэбил оҥорор бырааптаах. Онон эрэгийиэн бүддьүөтүгэр эбии ноҕурууска үөскүүр. Бу кыһалҕаны Арассыыйа Федерациятын 82 эбийиэктэрэ өйүүллэр”, -диэн Ил Түмэн бэрэссэдээтэлэ тыл этэригэр бэлиэтээтэ.
Дьүүллэһии кэмигэр сүбэлэһии, санаа атастаһыы түмүгүнэн, бу тиэмэ билигин дойду нэһилиэнньэтин үгүс араҥатын хаарыйарынан, эбии эспэртиисэни ыытарга, чопчулуурга быһаардылар. Алексей Еремеев чуолкайдаабытынан, билигин Госдуума бүддьүөккэ уонна нолуокка кэмитиэтин бэрссэдээтэлэ Андрей Макаровы кытта бу кыһалҕаны дьүүллэһэн баран, үөскээбит коллизияны быраап өттүнэн бэрэдэктиир мэхэньиисими толкуйдаан, кылгас кэм иһинэн нырыламмыт бырайыгы оҥорон Хамыыһыйа чугастааҕы мунньаҕын көрүүтүгэр киллэриэхпит“, -диэн биллэрдэ. Кини бу кыһалҕалаах боппуруоһу быһаарарга бүддьүөт үбүлээһинин уонна туруктаах буолуутун тэҥэ, кыраасдааннар социальнай көмөнү туһаналларыгар конституциянан мэктиэлэммит бырааптарын тутуһуу икки ардыларыгар баар балаансы көрөр уустугун эттэ.
Бу сокуон көҕүлээһинин олоххо киллэрэргэ салгыы Судаарыстыбаннай Дуума уонна Федерация Сэбиэтин профильнай кэмитиэттэрин кытта үлэ ыытыллыахтааҕа ыйыллыбыт.
Санатар буоллахха, Алексей Еремеев бу сырыытыгар Судаарыстыбаннай Дуума төрүттэммитэ 120 сылын туолутуугар анаммыт тэрээһиннэргэ кыттар, өрөспүүбүлүкэ дьокутааттара федеральнай уорганнарга киллэрэр, туруорсар кэккэ сокуоннарын билиһиннэрэр, кэмититиэттэргэ сылдьар
Хаартыска: Ил Түмэн пресс-сулууспата
-
1
-
0
-
0
-
0
-
0
-
0
