Сокуон барылынан уопсастыбаннай иниспиэктэрдэр боломуочуйалара кэҥиир. Сокуон олоххо киирдэҕинэ, иниспиэктэрдэр бэрэбиэркэлэргэ сылдьар, тустаах уорганнары кытары сибээстэһэр, кэтээн көрөр бырааптаналлар, хонтуруоллуур уорганнар лабораторияларынан о.д.а. ресурсаларынан туһанар кыахтаналлар.
Айылҕа харыстабылын уопсастыбаннай иниспиэктэрдэрэ диэн анал сулууспалаах үлэһиттэр буолбатахтар, кинилэр бэйэлэрин баҕаларынан төрөөбүт дойдуларын, сирдэрин-уоттарын араҥаччылыыр дьон буолаллар. Өрөспүүбүлүкэҕэ билиҥҥитэ уопсастыбаннай иниспиэктэрдэр аҕыйахтар. Итиниэхэ бэйэтин санаатын Госдума дьокутаата Федот Тумусов маннык үллэстэр:
- Бу сокуон Айылҕа харыстабылын уопсастыбаннай иниспиэктэрдэригэр саҥа боломуочуйаны биэрэр – кинилэр оруоллара улаатыа. Сокуон барылынан ураты статус бэриллэн, айылҕа харыстабылын уопсастыбаннай иниспиэктэрдэрин ахсаана элбиэҕэ.
-
0
-
0
-
0
-
0
-
0
-
0
