.jpeg)
Үөһээ Бүлүү улууһун территориальнай быыбардыыр хамыыһыйатын дааннайынан Үөһээ Бүлүү улууһун баһылыгын быыбарыгар 8172 быыбардааччы, ол эбэтэр 62,7 % киһи куоластаата диэн СӨ Киин быыбардыыр хамыыһыйата иһитиннэрэр.
Быыбардааччылар испииһэктэригэр 13034 киһи киирбитэ.
Быыбар бүлэтиэнигэр барыта 4 хандьыдаат киирбитэ.
Быһа холоон ааҕынан:
- Михалев Семён Анатольевич, 1973 с.т., бэйэтэ туруоруммут хандьыдаат, киниэхэ 3860 киһи эбэтэр 47,23% куоластаата.
- Николаев Валерий Валерьевич, 1974 с.т. үрдүк үөрэхтээх, «Кэнтик нэһилиэгэ» МТ баһылыга, киниэхэ 4073 эбэтэр 49,84% ылла.
- Николаев Николай Николаевич, 1957 с.т., үрдүк үөрэхтээх, улуустааҕы дьокутааттар сэбиэттэрин бэрэссэдээтэлэ, бэйэтэ туруоруммут. Киниэхэ 136 киһи эбэтэр 1,66% куоластаата.
- Софронов Кирилл Егорович, 1959 с.т. үрдүк үөрэхтээх, биэнсийэлээх, бэйэтэ туруоруммут. Киниэхэ 35, эбэтэр 0,43% киһи куоластаата.
Куоластааһын быыбар сокуонун ирдэбилинэн барда.
Үөһээ Бүлүү улууһун олохтоохторо «Биир ньыгыл Арассыыйа» баартыйаттан турбут Валерий Николаевка эрэнэллэрин биллэрэн, киниэхэ куоластаатылар. Санатар буоллахха, кини 2012 сылтан Кэнтик баһылыгынан үстэ талыллан үлэлээтэ.
-
1
-
0
-
0
-
0
-
0
-
0
