Издательский дом Редакция Подписка
Погода в Якутске: . 24 oC

Госдума 2024 сыллааҕы федеральнай бүддьүөт бырайыагын бүтэһиктээх ааҕыыга ылынна. «Бүддьүөккэ судаарыстыба социальнай эбэһээтэлистибэтин толорууга үп-харчы көрүлүннэ: биэнсиэйэни, хамнаһы, оҕо босуобуйаларын улаатыннарыы, итиэннэ дойду сайдыытыгар усулуобуйа тэриллэр», - диир Вячеслав Володин.

Госдума 2024 сыллааҕы федеральнай бүддьүөт бырайыагын бүтэһиктээх ааҕыыга ылынна. «Бүддьүөккэ судаарыстыба социальнай эбэһээтэлистибэтин толорууга үп-харчы көрүлүннэ: биэнсиэйэни, хамнаһы, оҕо босуобуйаларын улаатыннарыы, итиэннэ дойду сайдыытыгар усулуобуйа тэриллэр», - диир Вячеслав Володин.

Социальнай эйгэ

2024 сылга хамнас алын кээмэйэ 18,5 % индексацияланан 19 242 солк. буолуоҕа. Бу 5 мөл. кэриҥэ киһи хамнаһын үрдээһинин хааччыйыаҕа. Ону тэҥэ инфляция таһымыгар босуобуйалар, биэнсийэ индексацияланыахтара. Судаарыстыба тутаах хайысхатынан социальнай бэлиитикэ буолар. Онно сокуон барылын иккис ааҕыытыгар 2 трлн солк., ол эбэтэр өссө 11 %-нан улаатыннардылар. Доруобуйа харыстабылын эйгэтин сайыннарыыга эбии үп-харчы тыырылынна. Үс сылга ити сыалга барыта 7,23 трлн солк. ороскуоттаныаҕа. 6 млрд солк. сүрэх-тымыр ыарыһахтарыгар эмп-том атыылаһыыга туһуланыахтара. 200 млрд. солк. диэри хроническай (орформативнай) ыарыылардаах оҕолору эмтээһин үбэ улаатыаҕа.

3 млрд солк. тахса оҕо сынньалаҥыгар уонна чэбдигирдиигэ ороскуоту улаатыннардылар. Эһиил 1,3 мөл. дьиэ кэргэн ийэ хапытаалын туһаныахтара,  7 мөл. үөрэнээччи итии аһылыгынан хааччыллыахтара. Кылаас салайаччыларыгар эбии төлөбүр 900 тыһ. оскуола учууталларыгар уонна  100 тыһ. кэллиэс учууталларыгар ананыаҕа. Социальнай хантараагынан 1 мөл. кэриҥэ киһи көмөнү ылыаҕа.

Байыаннай өйөбүл

2024 с. алтынньы 1 күнүттэн байыаннайдарга уонна быраабы араҥаччылыыр уорганнар үлэһиттэрин харчынан хааччыйыыта 4,5% тэҥнэһиэҕэ. Ону таһынан 2024 с. алтынньы 1 күнүттэн байыаннай уонна онно тэҥнэммит дьон биэнсийэлэр индексацияланыаҕа. Бу дьаһал 2,7 мөл. тахса киһини таарыйыаҕа.

Үөрэх 

Анал байыаннай дьайыы кыттыылаахтарын уонна кинилэр дьиэ кэргэттэрин, 1,5 эбэтэр 7 сааһыгар диэри оҕо көрөн олорор дьахталлары, бинэсийэлээхтэри уонна эдэр исписэлиистэри идэҕэ үөрэтии бырагарааматын үбүлээһинэ улаатыаҕа. Үс сылга уопсай суумата - 18,6 млрд солк. Техникумнары, кэллиэстэри сайыннарыыга уонна «Профессионалитет» бырагырааманы кэҥэтиигэ 9 млрд солк. ананыаҕа. Ону таһынан 3 млрд. солк. оскуола 8-10-с кылааһын үөрэнээччилэрин программированиеҕа үөрэтиигэ ананар. Итиннэ эһиил 140 тыһ. оҕо үөрэниэҕэ.

Тыа сирин сайыннарыы

Тыа сирин коммуникацияларынан, гааһынан, суолларынан, фельдшерскэй- акушерскай пууннарынан, култуура уонна успуорт эбийиктэринэн хааччыйыыга 88,6 млрд солк. ороскуоттаныаҕа. Ону таһынан 11,5 млрд солк. кэриҥэ тыа хаһаайыстыбатын сирдэрин-уоттарын чөлүгэр түһэриигэ уонна 3 млрд. солк. кэриҥэ тыа хаһаайыстыбатын бородууксуйатын экспортааһын сайдыытыгар ананар.

Космос сайдыыта

5 млрд солкуобайы космонавтары бэлэмниир киини өйөөһүҥҥэ туһаайыахтара. Бу көннөрүүнү дьокутааттар Валентина Терешкова көҕүлээһининэн бэлэмнээтилэр.

Сүрүн сыыппаралар

2024 сылга дохуот 35 трлн, 2025 сылга — 33,5 трлн солк., 2026 сылга - 34,1 трлн солк. буолар. 2024 с. федеральнай бүддьүөт үбүн ааҕарга 1,3 трлн солк. суумалаах национальнай пуонда (ФНБ) үбэ туһаныллыаҕа. ФНБ таһынан 2024-2026 сылларга федеральнай бүддьүөт дэписсииттэрин үбүлээһин сүрүн источниктарынан РФ сударыстыбаннай бүддьүөттэрэ киириэхтэрэ. Вячеслав Володин этэринэн, 2024 сылга бүддьүөт дохуота 29 %-нан үрдүөҕэ. Онуоха 2/3-тэн тахса дохуот (67,2 %) ньиэптэн уонна гаастан тутулуга суох.

РФ Бырабыыталыстыбатын резервнэй пуондата 2024 сылга 100 млрд солк., 2025 уонна 2026 сылларга 80 млрд солк. көрүллэрэ былааннанар. Ону тэҥэ нефтегазовай дохуоттар киириилэрин суотугар улаатыннарыы көрүллэр.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением