- Анал байыаннай дьайыы кыттыылаахтарын реабилитациялааһын, ону тэҥэ кинилэр дьиэ кэргэттэригэр социальнай өйөбүллэри оҥоруу Саха Сирин социальнай бэлиитикэтин биир сүрүн хайысхатынан буолар. Бүтэһик дааннайдарынан анал байыаннай дьайыы кыттыылаахтарыгар уонна кинилэр дьиэ кэргэттэригэр биир кэлим реабилитациялааһын тэрээһиннэрэ ыытыллар. Бу сыалга үлэ тиһигин оҥорууга 2023 с. атырдьах ыйын 24 күнүттэн Саха Сиригэр анал байыаннай дьайыы кыттыылаахтарыгар, ол иһигэр бааһырбыттарга уонна кинилэр дьиэ кэргэттэригэр биир кэлим реабилитациялааһын уонна социализациялааһын туһунан СӨ Бырабыыталыстыбатын уурааҕа ылыллыбыта, - диэн Үлэҕэ уонна социальнай сайдыыга миниистири солбуйааччы Наталья Черноусова эттэ. Байыастары уонна кинилэр дьиэ кэргэттэрин биир кэлим реабилитациялааһын чөл буолууларыттан, доруобуйаларыттан, уйулҕаларыттан, психологическай көмөлөөх дьаһаллартан турар. Билигин байыастар реабилитациялыыр өҥөлөрүнэн толору туһаналлар, исписэлиистэр консультацияларынан 100% хабыллаллар. Ол курдук, 2022 с. – 44, 2023 с. – 629 байыастарга уонна кинилэр дьиэ кэргэттэригэр реабилитациялыыр өҥө оҥоһуллубут.
Мунньах түмүгүнэн вице-спикер Александр Подголов элбэх кэккэ боппуруостар быһаарыллыбакка хаалбыттарын бэлиэтээтэ. Мэдиссиинэ өттүнэн биир кэлим реабилитациялааһын дьаһаллара тииһи босхо протезтааһынынан, уйулҕа бөҕөргөтүүтүнэн, юридическай уонна социальнай көмөлөрүнэн хааччыйыллыахтаах. Гражданскай олох усулуобуйатыгар дьиэлэригэр төннөн кэлбит буойуттары социальнай адаптациялааһын, чуолаан, үлэнэн, үөрэҕинэн хааччыйыы олус наадалаах.
-
0
-
0
-
0
-
0
-
0
-
0
