Ил Дархан Айсен Николаев дойду Бэрэсидьиэнин В.В. Путины кытта Бэс Күөлүн чөлүгэр түһэрэргэ туох үлэ ыытылларын туһунан кэпсэппитэ. Дойду Бэрэсидьиэнэ кини этиитин толору өйөөбүтэ. Ол курдук, алтынньы ый ортотугар диэри дьиэтэ суох турар бэйэлэринэн хаалбыт дьоҥҥо барыларыгар хааччыллыылаах дьиэни тутуохтара; АФ тыатын хаһаайыстыбатын бырагырааматынан спорт сааллаах, кулууптаах, элбэх функциялаах киини тутан дьэндэтиэхтэрэ; федеральнай бырагырааманан 150 миэстэлээх саҥа оскуола тутуллара былааннанар; бөһүөлэккэ саҥа уот ситимэ тардыллыаҕа, суол оҥоһуллуоҕа.
Бэҕэһээ, ол эбэтэр атырдьах ыйын 20 күнүгэр, Бэс Күөлүгэр саҥа дьиэ маҥнайгы сыбаайатын түһэрдилэр. “Маҥнайгынан тутуллар дьиэ хаһаайыннара – Саввиннар ыал. Тутар тэрилтэ дьиэлэри хаачыстыбалаахтык тутарга, болдьоммут кэмҥэ бүтэрэргэ мэктиэлиир. Мин онно эрэнэбин”, – диэн Ил Дархан санаатын үллэһиннэ. Бастакы уон дьиэни Горнай улууһуттан төрүттээх Андрей Данилов салайар “ТуймаадаСтрой” хампаанньа тутуоҕа.
Бу күннэргэ нэһилиэк 100-тэн тахса оҕото “Орленок”, “Океан” лааҕырдарга сынньана барарга бэлэмнэнэллэр. Кырдьаҕас, саастаах дьону дойду араас санаторийыгар ыытыахтара.
- 0
- 0
- 0
- 0
- 0
- 0