Михаил Гуляев доброволецтары наҕараадалаата
Издательский дом Редакция Подписка
Погода в Якутске: . 6 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Ааспыт сайын өтөрүнэн буолбатах кураан туран, Саха сирин үрдүнэн мөлүйүөнүнэн гектар иэннээх сир уокка былдьанна. Ол иһигэр Чурапчы улууһугар эмиэ улахан баһаардар турбуттара.

Ааспыт сайын өтөрүнэн буолбатах кураан туран, Саха сирин үрдүнэн мөлүйүөнүнэн гектар иэннээх сир уокка былдьанна. Ол иһигэр Чурапчы улууһугар эмиэ улахан баһаардар турбуттара.

 

Онуоха улууска суһал ыстаап тута тэриллэн үлэлээбитэ. Бу ыстаабы Ил Түмэн ыччат дьыалаларыгар, физическэй култуураҕа уонна спорка сис кэмитиэтин бэрэссэдээтэлэ Михаил Гуляев сүрүннээбитэ.

Бүгүн, ол эбэтэр алтынньы 13 күнүгэр, Ил Түмэн мунньахтыыр саалатыгар норуот дьокутаата Михаил Гуляев Чурапчы баһаарын бохсууга сылайары аахсыбакка хорсуннук үлэлээбит доброволецтары чиэстээтэ.

--Чурапчытааҕы суһал ыстаап, Ил Түмэн уонна тус бэйэм ааппыттан эһиэхэ ис сүрэхпиттэн махтанабын. Ыксаллаах кэмҥэ дойдуга бэриниилээххитин көрдөрдүгүт. Биир да түгэҥҥэ сүрэҕэлдьээн сыппыт, баһаар үөһэнэн барбытыгар куттанан куоппут киһи диэн суоҕа, ол онтон улаханнык үөрбүтүм. Дойдуга өй-санаа, майгы-сигили, эт-хаан өттүнэн күүстээх ыччаттаах норуот өлөн-охтон биэрбэт, – диэн киэн тутта этэн туран, Михаил Дмитриевич ис сүрэҕиттэн махтанан туран, кэмитиэтин аатыттан “Чурапчы улууһун Мугудай бөһүөлэгэр буолбут баһаары бохсууга үтүө суобастаах үлэтин, улахан кылаатын иһин” диэн ис хоһоонноох грамоталары, итиэннэ “Дохсун” спорт комплексын эрчиллэр саалатыгар, “Чолбон” бассыайыҥҥа абонеменнары туттартаата. :

d8b3b088 c409 4231 9210 fa73b8c9f59a

Наҕараадаланнылар:

-- “Үүнэр көлүөнэ тус сыаллаах пуондата” кэмиэрчэскэйэ суох тэрилтэ үлэһиттэрэ – Иннокентий Марков (тэрилтэ уопсай боппуруостарын уонна үлэһиттэрин салалтатын начаалынньыга), Павел Григорьев (үп, экэниэмикэ салалтатын начаалынньыгын солбуйааччы), Александр Пшенников (сүрүн исписэлиис), Владимир Сивцев (сүрүн исписэлиис);

43dc7a04 9829 4a63 a74d 879ffa557791

-- Аартыка норуоттар икки ардыларынааҕы оскуолатын үлэһиттэрэ – Геннадий Лукин (иитэр-үөрэтэр үлэҕэ дириэктэри солбуйааччы), Петр Федоров (кампус иитээччитэ), Александр Парфенов (история уонна обществознание учуутала), Александр Сыромятников (информатика учуутала), Алексей Филиппов (физическэй култуура учуутала);

541d8914 4779 4e4a 803e 71e617673f50 2

-- Павел Никифоров – “Якутскэнерго” Дьокуускайдааҕы Саха ГРЭС салаатын инженерэ;

7a263fed 1757 4a31 bfcc ca12167e1e59

-- Михаил Макаров – М.К.Аммосов аатынан ХИФУ Мэдиссиинэ институтун 4 кууруһун устудьуона.

163f2020 4436 4970 94c6 17e75532691e

Аартыка норуоттар икки ардыларынааҕы оскуолатыттан Александр Парфенов кэллиэгэлэрин хайдах түмэн, баһаар кэмигэр үлэлэрин туһунан санаатын үллэһиннэ:

73045b8f fd9c 49b9 8760 8bac7cf27b93

--Баһаардар күн-түүн элбии тураллара дьиксиннэрбитэ. Хайдах эмэ гынан көмөлөһөр санаа үөскээбитэ. Онуоха баһаары бохсууга баҕалаахтары хомуйар туһунан биллэриини бассаапка аахпытым. Дьэ, уонна кэллиэгэлэрбин түмэн, кинилэр эмиэ истэригэр буһа сылдьыбыт санааларын күөдьүтэн, баһаар ханна буола турарынан көмөлөһө барарга санаммыппыт. Бастаан Бэс Күөлүгэр барарбыт буолуо дии санаабыппыт. Онтон суһал уопсастыбаннай ыстаап Чурапчыга ыыппытыгар биир өттүнэн үөрбүтүм. Чурапчы миэхэ иккис дойдум кэриэтэ, ийэм бу улуустан төрүттээх, сайын аайы эбэбэр сайылыы кэлэрим. Уопсайынан, баһаары эппитинэн-хааммытынан биллибит, Интэриниэккэ көрөрдөөҕөр өссө кутталлаах, үлэтэ ыарахан эбит. Биһиги маҥнай кэлээт да, киинэҕэ курдук, тута шланганан уу ыстаран киирэн барыахпыт дии санаабыппыт. Ол эрээри күрдьэх тутан баран, баһаар салгыы барбатын диэн, минерализованнай хаһыылары оҥорбуппут, мастары эрбээбиппит, итиэннэ үрүсээк сүгэ сылдьан, күөдьүйэн эрэр уоттары умуллартаабыппыт. Уопсайа 5 күн үлэлээбиппит, тэрилтэбэр анал таҥаһынан-сабынан, респиратордаах мааскаларынан хааччыйбытыгар махтанабын.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением