Бу күннэргэ “Аартыка: бүгүҥҥүтэ уонна кэскилэ” форум кыттааччыларын иннигэр дьоһун сорук турар, ол курдук Аартыка сайдыытыгар уонна кыһалҕаларыгар уопсастыбаннас болҕомтотун тардыахтаахпыт. Бастатан туран, 2035 сылга диэри судаарыстыбаннай бэлиитикэ саҥа оҥкулун быһаарыахтаахпыт. Форум кэмигэр ити тиэмэҕэ элбэх кэпсэтии ананыаҕа. Ол түмүгэр Аартыка сайдыытыгар туһуламмыт норуоттар икки ардыларынааҕы бииргэ үлэлээһин дьоһун бэбиэскэтэ оҥоһуллуоҕа. Онно сир баайын, экэниэмикэ, тырааныспар, килиимэт, айылҕаны харыстааһын, дьон олоҕун хаачыстыбатын боппуруостара бүтүннүү таарыллыахтара, учуоттаныллыахтара. Биллэн турар, Аартыка төрүт олохтоохторун кыһалҕалара бастакы уочарат болҕомто киинигэр киириэҕэ. Аартыка омуктарын устуоруйалара, култууралара, тыллара-өстөрө, төрүт дьарыктара уонна олохторо – киһи-аймах бүттүүнүн сыаннастара буолаллар. Ону учуоттаабат буолар сатаммат.

Форум элбэх сыллаах үлэтэ аан дойду бүтүннүүтэ Аартыка сайдыытын туһугар бииргэ үлэлииргэ бэлэмин туоһулуур.

Барытыгар ситиһиилээх үлэни, туһалаах көрсүһүүлэри уонна үтүө түмүктэри баҕарабын. Бу үлэбит сүрүн түмүктэрэ бииргэ түмүллэн Арассыыйа Федерациятын Аартыкатын социальнай экэнэмиичэскэй сайдыытын уопсастыбаннай резолюциятыгар киириэхтэрэ.

А.Н. Чилингаров, полярниктар ассоциацияларын бэрэсидьиэнэ, РФ Бэрэсэдьиэнин Аартыкаҕа уонна Антаартыкаҕа анал бэрэстэбиитэлэ.  

“Аартыка: бүгүҥҥүтэ уонна кэскилэ” форум бырагыраамата