Быыбары кытта тэҥҥэ өрөспүүбүлүкэ олохтоохторо салайыы киэбин туһунан ыйытыыга хоруйдуохтара. Референдум дьон бэрэсидьиэннээх эбэтэр парламеннаах судаарыстыбаттан хайатын чорботорун билэр соруктаах ыытыллар.
Быыбарга барыта 2,47 тыһыынча учаастак үлэлиэҕэ. Мантан 48-һа дойду тас өттүгэр баар. Ол иһигэр Москубаҕа 5 сиргэ уонна Санкт-Петербург, Екатеринбург, Красноярскай, Новосибирскай, Иркутскай, Владивосток, Тюмень, Сургут, Соҕуруу Сахалинскай уонна Дьокуускай куораттарга тэриллибит учаастактарга Кыргызстан гражданнара бэйэлэрин баҕа санааларын биллэриэхтэрэ.
Быыбар сарсыарда 8 чаастан киэһэ 8 чааска диэри ыытыллар. Москуба бириэмэтинэн сарсыарда 5 чаастан киэһэ 17 чааска диэри, Дьокуускай бириэмэтинэн сарсыарда 11 чаастан киэһэ 11 чааска диэри кэми хабар.
- 0
- 0
- 0
- 0
- 0
- 0