Тохсунньу 30 күнүттэн Нерюнгри улууһун баһылыгын эбээһинэстэрин толорооччунан улуус баһылыгын бастакы солбуйааччы Евгений Галактионов ананна.
Ыспыраапка:
Евгений Галактионов 1975 сыллаахха бэс ыйын 18 күнүгэр Казахстаҥҥа төрөөбүт. Хабаровскайдааҕы судаарыстыбаннай физическай үнүстүүтү уонна Москватааҕы судаарыстыбаннай өҥөнү оҥоруу үнүстүүтүн бүтэрбит.
Нерюнгрига 5-с №-дээх оскуола физкультураҕа учууталынан үлэтин саҕалаабыт. Кэлин “Якутуголь”, “Мечел-Майнинг” курдук бөдөҥ тэрилтэлэргэ араас дуоһунастарга үлэлии сылдьыбыт.
2020 сыл бэс ыйыттан Нерюнгри улууһун баһылыгын бырамыысыланнаска уонна тутууга бастакы солбуйааччытынан анаммыт.
“Биир ньыгыл Арассыыйа” баартыйа чилиэнэ.
Нерюнгри улууһун баһылыгын болдьоҕун иннинэ быыбара 2021 сыл муус устар 25 күнүгэр буолуоҕа.
Нерюнгри улууһун дьаһалтатын пресс-сулууспатын матырыйаалынан.
- 0
- 0
- 0
- 0
- 0
- 0