Издательский дом Редакция Подписка
Погода в Якутске: . -33 oC
КУРС ЦБ: $ 73,60 | 83,35

 Госдумаҕа “Сиэрдээх Арассыыйа” баартыйаттан дьокутаат Федот Тумусов Дьокуускай баһылыгын быыбарын туһунан санаатын үллэстэр соруктаах пресс-кэмпириэнсийэ тэрийдэ.

 Госдумаҕа “Сиэрдээх Арассыыйа” баартыйаттан дьокутаат Федот Тумусов Дьокуускай баһылыгын быыбарын туһунан санаатын үллэстэр соруктаах пресс-кэмпириэнсийэ тэрийдэ.

--Саха Өрөспүүбүлүкэтигэр, ону ааһан Арассыыйаҕа даҕаны бөдөҥ бэлитиичэскэй бөгүүрэ баар буолла – Виталий Обедин. Политология үөрэҕэр өйдөбүл баар – хандьыдаат 10 %-тан элбэх куолаһы ыллаҕына, кини номнуо дьоһуннаах, улахан суолталаах бэлиитик диэн. Мин 2001 сыллааҕы быыбарга 37 бырыһыан куолаһы ылан хотторон баран, үс сыл үлэтэ суох сылдьыбытым. Онтон самнан хаалбакка, быыбарга миэхэ эрэммит, миэхэ куоластаабыт дьон  өйөбүлүнэн Ил Түмэн, Госдума дьокутаата буолары ситиспитим. Ол аата билигин Виталий Обедин Госдумаҕа дуу, ханна дуу хандьыдаатынан турар буоллаҕына, кини номнуо тирэхтээх.

Биһиги баартыйабыт муниципалитеттарга куоластааһын биир чопчу күнүн олохтуур туһунан этиини киллэриэ. Тоҕо диэтэххэ, быыбар болдьоҕун иннинэ ыытыллара аҕытаассыйалыырга охсуулаах, наһаа кылгас кэм.

Бу быыбар сонун көстүүтэ диэн, кэтээн көрөөччүлэр мобильнай сыһыарыыларын туһанныбыт. Холобура, туох эмэ кэһиллии таҕыстаҕына, онно тута суруйаллар, оччоҕо киин кэмитиэппит юристарыгар тиийэ тустаах түбэлтэни быһаартарабыт.  Бу үс күн устата Москваны кытта өрүү сибээскэ сырыттыбыт. Өссө да цифровизацияны, аныгы технологияны сайыннарарга үлэлэһиэхпит.  

Бастакы күн 38 үҥсүү баара. Холобура, 10 киһини дьиэлэригэр куоластаталларыгар, сэрэххэ диэн, онтон элбэх бюллетени илдьэ бараары гыммыттарын, биһиги кэтээччилэрбит тохтоппуттара. Ол кэнниттэн ирдэбили кэһии аччаабыта. Иккис күҥҥэ 33 буолбута. Үһүс күҥҥэ – 22. ЛДПР да, КПРФ да кэтээччилэрэ биһиги дьоммут курдук кыттыспатахтара. Тоҕотун билбэппин. Баҕар, атын баартыйа  кэтээччилэригэр  эрэнэллэрэ бэрт буолуо. Биитэр күрэстэһэр санаата суох кыттыбыттара дуу...

 “Сиэрдээх Арассыыйа” мэлдьи элбэх баартыйалаах буолууну көҕүлүүр. Ол үлэбит көдьүүстээҕин көрдөрдө – бу быыбарга тэҥ кэриэтэ куоластары Е.Григорьев (44, 27%) уонна В.Обедин (39,67%) ыллылар. 3855 киһинэн хоттордубут. 

Туох кистэлэ кэлиэй, бу быыбарга  дьаһалта, салалта үлэһиттэрин аҕытаассыйаҕа күүскэ туһаннылар. Сардаана Авксентьева туһунан ыйытар буоллахха, мин кинини аһынабын. Хайдах өйдүүргүтүнэн бэйэҕит быһаарыҥ.     

Евгений Григорьевы кыайыытынан эҕэрдэлиибин. Куорат кыһалҕатын быһаарар үлэтигэр биһиги “Сиэрдээх Арассыыйабыт” бииргэ  үлэлэһэргэ бэлэм. Консультативнай сэбиэт тэрийдэҕинэ, Виталий Обедины, бэйэтэ баҕарар буоллаҕына, сүбэлээччи быһыытынан ыҥырыан сөп. Тоҕо диэтэххэ, кини баар кыһалҕалары барытын уот харахха ырытан суруйар суруналыыс буолар. Билигин өссө бэлиитик  статуһун эрэллээхтик сүктэ.  Кини биһиги баартыйабыт чилиэнэ буолбатах, ол эрээри бэйэтэ баҕардаҕына, үөрүүнэн кэккэбитигэр ылыахпыт.

Комментарии (3)

This comment was minimized by the moderator on the site

Все верно

This comment was minimized by the moderator on the site

Удивительный результат, когда все считают себя победителями.

This comment was minimized by the moderator on the site

аьынабын диэн в каком смысле?

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ