- Онуоха сүрүн оруолу доруобуйа харыстабыла ылбыта хайҕаллаах. Арассыыйа нэһилиэнньэтин олоҕун таһыма үрдүөхтээҕэ, дьадайыыны утары үлэ ыытыллыахтааҕа, олоҕу хааччыйар хайысхалар саҥардыллыахтаахтара уонна ийэлэргэ, оҕолорго сөптөөх судаарыстыбаннай өйөбүллэр баар буолуохтаахтара ыйылынна.
Чуолаан доруобуйа харыстабылыгар этэр буоллахха, сэрэхтээх ыарыылары быһаарыыга тест-систиэмэтин киллэриигэ улахан болҕомто ууруллуоҕа, дойду үрдүнэн нэһилиэнньэ орто сааһа 78 сылга диэри тэҥнэһиэхтээҕэ этилиннэ.
Дойду үрдүнэн улахан санитарнай куйах наада, ол туһуттан Владимир Путин анал вакциналары уонна эми-тому оҥорууга күүскэ ылсарга бэлиэтээтэ. Мэдиссиинэ сулууспата саҥа технологиянан оҥоһуллубут оборудованиеларынан күүскэ хааччыллалларыгар болҕомто ууруллуоҕа. Итини тэҥэ, суһал көмөҕө туһаныллар массыыналар саҥардыллыахтаахтара.
Бэрэсидьиэн оҕо уонна хат дьахталлар доруобуйаларын туһугар сөптөөх болҕомтону уурда. Ол курдук, ийэ хапытаалын биэрии болдьоҕо 2026 сылга диэри уһатылынна. Онон ити ыйыллыбыт соруктары олоххо киллэриигэ эрэгийиэннэргэ элбэх үлэ күүтэр. Саха сиригэр быйыл Чэбдигирии сыла, онон сибээстээн ити ыйыллыбыт соруктар, хайысхалар ордук чугастар уонна улахан эппиэтинэһи эрэйэллэр. Онон биһигини барыбытын элбэх уонна таһаарыылаах үлэ күүтэр.
-
0
-
0
-
0
-
0
-
0
-
0
