«Бүгүн мин Татарстаан Судаарыстыбаннай Сүбэтин «За вклад в развитие парламентаризма» бочуоттаах бэлиэтинэн Саха Өрөспүүбүлүкэтин Судаарыстыбаннай Мунньаҕын (Ил Түмэн) бэрэссэдээтэлин бастакы солбуйааччыта Александр Жирковы наҕараадалаатым. Кинини Арассыыйа парламентаризмыгар суолталаах киһинэн сыаналыыбын. Дойдубут устуоруйатын уустук кэмнэригэр кини Саха Өрөспүүбүлүкэтин парламентаризма сайдарыгар оҥорбут үлэтэ дьоһун, биһиги дойдубут бигэ туруктанарын туһугар кылаата элбэх…»
Ыспыраапка:
«За вклад в развитие парламентаризма» Татарстаан Судаарыстыбаннай Сүбэтин бочуоттаах бэлиэтинэн РФ уонна Татарстаан сокуонун оҥоруутугар, парламентаризмыгар улахан кылааттаах РФ уонна омук гражданнара наҕараадаланаллар.
Бастакы бэлиэнэн Татарстаан Өрөспүүбүлүкэтин бастакы бэрэсидьиэнэ Минтимер Шаймиев наҕараадаламмыт. Кэлин РФ Федерациятын Сэбиэтин бэрэссэдээтэлэ Валентина Матвиенко, Татарстаан билиҥҥи бэрэсидьиэнэ Рустам Минниханов, Алтай Эл Курултай III ыҥырыылаах Судаарыстыбаннай муннаҕын бэрэссэдээтэлэ, Госдума дьокутаата Иван Белеков наҕараадаламмыттар.
- 0
- 0
- 0
- 0
- 0
- 0