Издательский дом Редакция Подписка
Погода в Якутске: . -31 oC
КУРС ЦБ: $ 71,53 | 82,83

2018 сылтан СӨ Доруобуйаҕа харыстабылын миниистиринэн үлэлээбит Елена Борисова дуоһунаһыттан уурайда.

2018 сылтан СӨ Доруобуйаҕа харыстабылын миниистиринэн үлэлээбит Елена Борисова дуоһунаһыттан уурайда.

  Миниистир эбээһинэһин толорооччунан        онколог быраас Лена Афанасьева ананна. Кини 25 сыл ыстаастаах, онкологическай диспансер кылаабынай бырааһынан бу күҥҥэ диэри үлэлээн кэллэ.

Лена Николаевна салайар кэмигэр диспансер саҥа дьиэҕэ көспүтэ. Матырыйаалынай-тиэхиньиичэскэй базата бөҕөргөөбүтэ. Саҥа МРТ, УЗИ аппарааттарынан хааччыллыбыта. Лабораториялара, эпэрээссийэлиир хосторо барыта аныгы ирдэбилгэ эппиэттиир гына оҥоһуллубута. Торакальнай абдоминальной хирургия, молекулярнай-биологическай уонна морфологическай чинчийии салаалара аһыллыбыттара.

Лена Николаевна сүрүн үлэтин таһынан, өссө науканан дьарыктанар. Мэдиссиинэ наукаларын хандьыдаата. Ол курдук, 35 научнай ыстатыйа, 3 методическай эрэкэмэндээссийэ ааптара. Семашко аатынан Национальнай чинчийэр институт докторана, ХИФУ доцена. «Ассоциация онкологов РС (Я)”, «Матери России», «Общество по организации здравоохранения и общественного здоровья», «Женщины – Ученые Якутии» уопсастыбаннай түмсүүлэр чилиэнэ.

Мэдиссиинэ эйгэтигэр П.А. Петров аатынан Судаарыстыбаннай бириэмийэ лауреата. СӨ Доруобуйаҕа харыстабылын үтүөлээх үлэһитэ. РФ Доруобуйаҕа харыстабылын Бочуоттаах грамотатынан бэлиэтэммитэ.

Олоҕун суолун билиһиннэрэбит:

Афанасьева Лена Николаевна  1968 с. сэтинньи 30 күнүгэр Дьокуускайга төрөөбүтэ. СГУ «лечебное дело» салаатын 1992 с. бүтэрбитэ. Идэтийбит хайысхата -- «акушерство уонна гинекология». 1993 с. онкологияҕа ординатураны ааспыта. Кандидатскайын 2004 с. көмүскээбитэ.

1996-2000 сс. — диспансерыгар онколог-хирург-гинеколог.  

2000-2009 сс.  — онкодиспансерын гинекологияҕа салаатын сэбиэдиссэйэ.

2009 с. —5-с балыыһа кылаабынай бырааһын солбуйааччы.

2009-2013 с. — куорат дьаһалтатын доруобуйа харыстабылын управлениетыгар тэрийэр-методическай үлэ начаалынньыга.

2013-2017 с. — «Управление здравоохранения города Якутска при МЗ РС (Я)» салайааччыта.

2017 сылтан бэҕэһээҥҥэ диэри — онкологическай диспансер кылаабынай бырааһа.  

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ