Норуот сомоҕолоһуутун күнүнэн!
Издательский дом Редакция Подписка
Погода в Якутске: . 12 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Саха Өрөспүүбүлүкэтин ытыктабыллаах олохтоохторо! Күндү сахам дьоно!

 Эһигини Саха Өрөспүүбүлүкэтин Ил Түмэнин уонна тус бэйэм ааппыттан бүтүн судаарыстыба дьоро күнүнэн – Норуот сомоҕолоһуутун күнүнэн -- ис сүрэхпиттэн эҕэрдэлиибин!

Саха Өрөспүүбүлүкэтин ытыктабыллаах олохтоохторо! Күндү сахам дьоно!

 Эһигини Саха Өрөспүүбүлүкэтин Ил Түмэнин уонна тус бэйэм ааппыттан бүтүн судаарыстыба дьоро күнүнэн – Норуот сомоҕолоһуутун күнүнэн -- ис сүрэхпиттэн эҕэрдэлиибин!

Бу бэлиэ күҥҥэ биһиги дойдубут үйэлээх историятын, биир дойдулаахтарбыт геройдуу быһыыларын саныыбыт, доҕордоһуу, үтүө сыһыан, төрөөбүт дойдуга таптал, сомоҕолоһуу сүҥкэн суолтатын дириҥник өйдүүбүт. Судаарыстыба көҥүл, тутулуга суох буолуутун туруулаһарга тулхадыйбат эр санаа, кыайыыга дьулуур, сомоҕолоһуу үтүмэн күүс буоларын умнубаппыт.

Норуот сомоҕолоһуутун күнэ – бэйэтин историятын, төрүт үгэстэрин, сиэрин-туомун үйэлэр тухары илдьэ сылдьар 126 араас омук уутуйан олорор өрөспүүбүлүкэбитигэр эмиэ ураты суолталаах. Кэлэр сылга Сахабыт сирэ дойду стратегическай таһымнаах субъегын быһыытынан сайдар суолун түстээбит бэлиэ түгэнин – Саха АССР тэриллибитэ 100 сылын – киэҥ далааһыннаахтык бэлиэтиибит.

Өрөспүүбүлүкэбит дьоһун историятынан, айымньылаах, таһаарыылаах үлэлэринэн бырамыысыланнас, тыа хаһаайыстыбатын сайдыытыгар, Россия элбэх омуктаах норуотун историческай, духуобунай баайын үйэтитиигэ сүҥкэн кылааты киллэрбит үгүс көлүөнэ биир дойдулаахтарбытынан, Аҕа дойду Улуу сэриитигэр төрөөбүт дойдуларын доруобуйаларын, олохторун олук ууран туран көмүскээбит аҕа көлүөнэ дьоммутунан киэн туттабыт, ытыктыыбыт, махтанабыт.

Сахам дьоно инникитин даҕаны өбүгэлэрбит хаалларбыт үтүө үгэстэрин харыстыы, үксэтэ туруохтара, бэйэлэрин кыахтарынан, күүстээх санааларынан кэм-кэрдии туруорар соруктарын быһаарарга күүс-көмө буолуохтара диэн бигэ эрэллээхпин.

Норуоппут биир сомоҕо, уопсастыбабыт түмсүүлээх буоллаҕына эрэ сайдыы кэскиллээх суолунан эрэллээхтик хардыылаан иһэр, кэлэр көлүөнэбитигэр көҥүл, иллээх-эйэлээх, инникигэ эрэллээх олоҕу хааччыйар кыахтаахпыт.

Дьоммут-сэргэбит, дойдубут туһугар бука бары түмсэн, билигин баар уонна үөскүүр киэҥ хабааннаах ыҥырыылары кыайыахпыт-хотуохпут дии саныыбын. Ол чуолаан бүгүн – хас биирдии киһи олоҕун, чөл туругун, олоҕор-дьаһаҕар куттал суох буолуутун туһугар кыһамньы туохтааҕар да суолталаах кэмигэр ордук тоҕоостоох.

Норуот сомоҕолоһуутун күнэ үтүө быһыы, үтүө санаа, чугас дьоммут туһугар кыһамньы бэлиэтэ буоллун.

Күндү сахам дьоно! Эһиэхэ чэгиэн доруобуйаны, үтүө туругу, дьолу-соргуну. Төрөөбүт дойдубут туһугар таһаарыылаах үлэни, үрдүк ситиһиилэри баҕарабын!

СӨ Ил Түмэнин Бэрэссэдээтэлэ  Алексей Еремеев

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением