Көрсүһүү “аһаҕас кэпсэтии” ньыматынан ыытылынна. Баҕалаах киһи бары ыйытыытын биэрдэ. Ол курдук, Хачыкаат нэһилиэгин баһылыга Ирина Оболкина өрүс сүнньүнэн турар улуус нэһилиэктэрин гаастааһынын кыһалҕатын таарыйда. Маны таһынан көрсүһүүгэ уопсастыбынньыктар Покровскай куоракка хаһаайына суох кэрэдэк сылдьар ыттар кыһалҕалара сытыытык турарын, спортивнай эбийиэктэр тиийбэттэрин, элбэх кыбартыыралаах дьиэлэргэ чуумпуруу сокуона кэһиллэрин туһунан этиннилэр. Кыттааччылар маннык көрсүһүү туһалааҕын, норуот дьокутааттара олохтоох дьонтон кыһалҕалаах боппуруостарын истэллэрэ ордугун бэлиэтээтилэр.
Көрсүһүү Ил Түмэн дьокутааттара Хаҥалас улууһугар оробуочай сырыыларын иһинэн ыытылынна. Ол курдук, уопсастыбынньыктар санааларын Хаҥалас улууһун баһылыгын солбуйааччылара Андрей Варламов, Николай Федоров, Олег Иринеев, Владислав Голоков, Елена Яковлева, Ил Түмэн сис кэмитиэттэрин бэрэссэдээтэллэрэ, норуот дьокутааттара Андрей Находкин, Юрий Николаев, Евгений Перфильев, Аркадий Семенов иһиттилэр.
- 0
- 0
- 0
- 0
- 0
- 0