Издательский дом Редакция Подписка
Погода в Якутске: . -11 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Уопсастыба

Табахтааһыны хааччахтыыр сокуон барыла киирдэ

Ил Түмэҥҥэ кулун тутар 26 күнүгэр «Саха Өрөспүүбүлүкэтин сиригэр-уотугар тустаах уопсастыбаннай сирдэргэ табаҕы, никотиннаах бородууксуйаны тардыыга эбии хааччаҕы олохтуур туһунан» сокуон барыла киллэрилиннэ. Сокуон барыла түөрт ыстатыйалаах, онтон бииригэр…
29.03.24 10:35

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Тохсунньу 28 күнүгэр Ил Түмэҥҥэ “Саха Өрөспүүбүлүкэтин олохтоох бэйэни салайыныы уорганнарын кыһалҕалара” диэн сытыы тиэмэҕэ “төгүрүк остуол” буолан ааста. Видео-кэмпириэнсийэҕэ 100-тан тахса киһи холбонно. Быһа холбонууга Саха Өрөспүүбүлүкэтин Бырабыыталыстыбатын Бэрэссэдээтэлэ Андрей Тарасенко, Ил Түмэн Судаарыстыбаннай Мунньаҕын Бэрэссэдээтэлэ Петр Гоголев, ситэриилээх былаас уорганнарын салайааччылара, норуот дьокутааттара, улуус уонна нэһилиэк баһылыктара, улуус дьокутааттарын Сэбиэтин бэрэссэдээтэллэрэ кытыннылар. Мунньах хаамыытын Ил Түмэн Ютуб ханаалыгар көрдөрдүлэр.

Тохсунньу 28 күнүгэр Ил Түмэҥҥэ “Саха Өрөспүүбүлүкэтин олохтоох бэйэни салайыныы уорганнарын кыһалҕалара” диэн сытыы тиэмэҕэ “төгүрүк остуол” буолан ааста. Видео-кэмпириэнсийэҕэ 100-тан тахса киһи холбонно. Быһа холбонууга Саха Өрөспүүбүлүкэтин Бырабыыталыстыбатын Бэрэссэдээтэлэ Андрей Тарасенко, Ил Түмэн Судаарыстыбаннай Мунньаҕын Бэрэссэдээтэлэ Петр Гоголев, ситэриилээх былаас уорганнарын салайааччылара, норуот дьокутааттара, улуус уонна нэһилиэк баһылыктара, улуус дьокутааттарын Сэбиэтин бэрэссэдээтэллэрэ кытыннылар. Мунньах хаамыытын Ил Түмэн Ютуб ханаалыгар көрдөрдүлэр.

“Төгүрүк остуолу” Ил Түмэн олохтоох бэйэни салайыныыга сис кэмитиэтин бэрэссэдээтэлин солбуйааччы Михаил Гуляев иилээн-саҕалаан ыытта. Муниципальнай тэриллиилэр 2021 сыллааҕы бүддьүөттэрин хааччыллыытын туһунан иһитиннэриини үп миниистирэ Валерий Жондоров оҥордо.

Мунньах бэбиэскэтин иккис боппуруоһунан – “Саха Өрөспүүбүлүкэтин дьокутаатын, олохтоох бэйэни салайыныы уорганын быыбарданар чилиэнин, олохтоох бэйэни салайыныы уорганын быыбарданар дуоһунастаах сирэйин боломуочуйатын толоруутун мэктиэлэрэ” уонна “Саха Өрөспүүбүлүкэтин муниципальнай дуоһунастарыгар уонна муниципальнай сулууспатыгар өр үлэлээбиттэр биэнсийэҕэ тахсыыларын туһунан” өрөспүүбүлүкэтээҕи сокуон барылын уларытыыларын дьүүллэһии буолла.

Бу сокуон барыла 2020 сыл ахсынньытыгар бастакы ааҕыыны ааспыта. Дьүүллэһиини уонна этиилэри хомуйууну 2021 сыл олунньу 15 күнүгэр диэри уһаппыттара. Ол гынан баран, Ил Түмэн спикера Петр Гоголев “төгүрүк остуолга” “этиилэри хомуйуу болдьоҕо өссө уһуон сөп” диэн эттэ.

Саха Өрөспүүбүлүкэтин Ил Дарханын уонна Бырабыыталыстыбатын каадыр бэлиитикэтигэр, судаарыстыбаннай уонна муниципальнай сулууспаҕа департаменын салайааччытын солбуйааччы Лена Ермолаева сокуон ис хоһоонун кытта билиһиннэрдэ.

Кини РФ Үлэҕэ кодексатын 115 ыстатыйатыгар олоҕуран, муниципальнай сулууспалаахтар уоппускаларын уһунун 28 күҥҥэ уларытар уонна нуормата суох үлэ иһин 15 күн эбиллэрин туһунан эттэ.  

Маны таһынан, сокуон барыла өр сыл үлэлээбиттэр биэнсийэҕэ тахсар саастарыгар уларытыыны киллэрэр. Маныаха майгынныыр усулуобуйалар 2017 сыллаахха судаарыстыбаннай сулууспалаахтарга киирбиттэр.

Бу сокуон сүнньүнэн Уус Дьааҥы улууһун Уус Куйга бөһүөлэгин баһылыга Варвара Сергеева, Нам улууһун дьокутааттарын Сэбиэтин бэрэссэдээтэлэ Иван Попов, Сунтаар улууһун хонтуруоллуур-ааҕар палаататын бэрэссэдээтэлэ Екатерина Семенова, Муниципальнай тэриллиилэр Сэбиэттэрин толорооччу дириэктэрэ Петр Черемкин бэйэлэрин санааларын, этиилэрин кытта үллэһиннилэр.

Тыл этээччилэр бары биир киһи курдук сокуон барыла баһылыктар социальнай мэктиэлэрин халбаҥнатарын, намтатарын бэлиэтээтилэр. Онон сокуон бары балаһыанньаларын хаттаан үөрэтиэххэ диэн этии киллэрдилэр. Варвара Сергеева: “Кэскиллээх ыччат баһылыгынан үлэлииргэ талаһыа суоҕа. Кинилэр оннуларыгар биэнсийэҕэ тахсаллара чугаһаабыт аҕам саастаах дьон эрэ кэлиэхтэрэ”, – диэн эттэ. Петр Черемкин саҥа нуормалары билигин үлэлии сылдьар баһылыктарга уонна улуус Сэбиэттэрин бэрэссэдээтэллэригэр туттумуохха диэн этиннэ. Ил Түмэн вице-спикера Антонина Григорьева каадыры бэлэмнээһиҥҥэ болҕомто ууруллуон наада диэтэ. Муниципальнай сулууспалаахтар идэлэрин таһымын үрдэтэргэ босхо систиэмэ олохтуохха диэн эттэ. Таатта улууһун Дьохсоҕон нэһилиэгин баһылыга Петр Захаров дьаһалта уонна муниципальнай тэрилтэлэр үлэһиттэрин икки ардыларыгар хамнас араастаһыытын кыччатыыга миэрэлэри ылалларыгар этии киллэрдэ. Үөһээ Дьааҥы улууһун Сайдыы бөһүөлэгин баһылыга Виктор Бурцев хоту нэһилиэктэр куонкурстарга уонна граннарга кытталларыгар айылҕаларын усулуобуйатын учуоттуулларыгар көрдөстө. Итиэннэ быйылгы сылга баһылыктар уочараттаах сийиэстэрин тэрийэллэригэр баҕа санаатын эттэ.

“Төгүрүк остуол” үлэтин түмүктүүр чааһыгар Михаил Гуляев бары кыттыылаахтарга махталын биллэрдэ. Михаил Дмитриевич Бэрэсэдьиэн Владимир Путин сорудаҕынан РФ Бырабыыталыстыбата 2021 сыл алтынньы ыйыгар диэри олохтоох бэйэни салайыныы уорганнарын 2030 сылга диэри сайдыыларын бырайыагын оҥоруохтааҕын туһунан иһитиннэрдэ.

Былырыын Ил Түмэн РФ Госдуматыгар муниципальнай сулууспалаахтар хамнастарын үрдэтэр наадатын туһунан этии оҥорон киллэрбитэ. Төһө да ити боппуруос федеральнай таһымҥа быһаарыллар буолбутун иһин, Михаил Дмитриевич СӨ Бырабыыталыстыбатыгар муниципальнай испэсэлиистэр хамнастарын үрдэтиини болҕомтоҕо ылан көрөллөрүгэр эттэ.

“Ил Түмэн” хаһыат аныгыскы нүөмэригэр “төгүрүк остуол” үлэтин туһунан сиһилии ааҕаарыҥ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением