Идэтийбит парламены тэрийии боппуруостарын дьүүллэстилэр
Издательский дом Редакция Подписка
Погода в Якутске: . 12 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Кулун тутар 4 күнүгэр Ил Түмэн Судаарыстыбаннай Мунньаҕын судаарыстыбаны тутуутуга уонна сокуону оҥорууга сис кэмитиэтин кэҥэтиллибит мунньаҕа буолан ааста.

Мунньах кыттыылаахтара СӨ Ил Дарханын Ил Түмэҥҥэ оҥорбут Анал этиитигэр олоҕуран, идэтийбит парламены тэрийии боппуруостарын дьүүллэстилэр. Сүрүн дакылаата сис кэмитиэт бэрэссэдээтэлэ Алексей Еремеев оҥордо.

Кулун тутар 4 күнүгэр Ил Түмэн Судаарыстыбаннай Мунньаҕын судаарыстыбаны тутуутуга уонна сокуону оҥорууга сис кэмитиэтин кэҥэтиллибит мунньаҕа буолан ааста.

Мунньах кыттыылаахтара СӨ Ил Дарханын Ил Түмэҥҥэ оҥорбут Анал этиитигэр олоҕуран, идэтийбит парламены тэрийии боппуруостарын дьүүллэстилэр. Сүрүн дакылаата сис кэмитиэт бэрэссэдээтэлэ Алексей Еремеев оҥордо.

Алексей Еремеев бэйэтин дакылаатыгар СӨ Ил Дархана А.С. Николаев Ил Түмэн дьокутааттарыгар, өрөспүүбүлүкэ уопсастыбаннаһыгар туһаайбыт Анал этиитигэр идэтийбит парламеҥҥа көһүү туһунан толкуйдуулларыгар этии киллэрбитин санатта. Айсен Сергеевич идэтийбит дьокутааттар ахсааннарын элбэтэргэ, баартыйалартан ананар дьокутааттар ахсааннарын аҕыйатарга, биир мандааттаах дьокутааттар ахсааннарын элбэтэргэ бэйэтин көрүүтүн иһитиннэрбитэ. Бу уларыта тутуу парламент сокуону оҥоруу өттүгэр үлэтин биллэ түргэтэтиэхтээх уонна көдьүүһүн үрдэтиэхтээх. Судургутук эттэххэ, федеральнай бэбиэскэни кытта тэҥҥэ хардыылыырын ситиһиэхтээх.

Сис кэмитиэт бэрэссэдээтэлэ парламены тэрийиигэ федеральнай сокуонунан хааччахтааһыннар көрүллэллэрин бэлиэтээтэ. Ол курдук, 500 тыһыынчаттан 1 мөлүйүөҥҥэ диэри нэһилиэнньэлээх РФ субъегын парламена 25-тэн итэҕэһэ суох уонна 70-тан элбэҕэ суох дьокутааттаах буолуохтааҕын эттэ.

Алексей Еремеев иһитиннэриитинэн, үлэлиир бөлөх парламены тэрийии хас да көрүҥүн үөрэтэн көрбүт. Онуоха икки палаталаах парламент тэриллиитэ тута бэбиэскэттэн уһуллубут. Икки палаталаах парламеҥҥа сокуоннары оҥоруу, көрүү уонна бигэргэтии үлэтэ өссө эбии бытаарара сэрэйиллэр. Ол да иһин буолуо, күн бүгүн Арассыыйа биир да эрэгийиэнигэр икки палаталаах парламент үлэлээбэт.

Маны таһынан, Алексей Ильич дакылаатын кэмигэр пленарнай мунньахтары 2 ыйга биирдэ ыытар регламены саҥаттан көрүөххэ наада диэн бэлиэтээтэ. Кини федеральнай киинтэн хаалбакка үлэлииргэ элбэх пленарнай мунньах ыытыллыахтааҕын иһитиннэрдэ.

Сис кэмитиэт салайааччыта биир мандааттаах дьокутааттар ахсааннарын төһө кыалларынан оннунан хаалларан, парламент быыбарданар тутулун харыстыахха диэн эттэ. “Туох да диэбит иһин, биир мандааттаах дьокутааттар уокуруктарын дьонун-сэргэтин интэриэстэрин көдьүүстээхтик көмүскүүллэр”, – диэтэ.

Онон биир мандааттаах уокуруктар ахсааннарын, ол иһигэр Аартыка уокуругун оннунан хаалларарга, Дьокуускайга өссө эбии биир мандааттаах уокуругу тэрийиэхпитин сөп диэн иһитиннэрдэ.

Салгыы Алексей Ильич федеральнай сокуоҥҥа олоҕуран, баартыйалартан 12 дьокутааты таларга этии киллэрдэ. Ол эбэтэр саҥа идэтийбит парламеҥҥа уопсайа 48 норуот дьокутаата баар буолуон сөп. Ол иһигэр 36 дьокутаат биир мандааттаах уокуруктан, 12 – баартыйалар испииһэктэринэн.

Сис кэмитиэт бэрэссэдээтэлэ дьокутааттар ахсааннарын аҕыйатыы – бүтүн Арассыыйатааҕы көстүү диэтэ. Ол курдук, 2019 сылтан саҕалаан 8 эрэгийиэҥҥэ:  Алтай уонна Марий Эл өрөспүүбүлүкэлэригэр, Приморскай уонна Хабаровскай кыраайдарга, Тула, Кострома, Кировскай, Липецкай уобаластарга норуот дьокутааттарын ахсаанын аҕыйаппыттарын эттэ.

Парламентарий идэтийбит дьокутааттар ахсааннарын элбэтии – парламент ороскуотун үрдэтэр диэн бэлиэтээтэ.

Алексей Еремеев дакылаатын түмүктээри туран, нэһилиэнньэ интэриэһин учуоттуур, итиэннэ кэмигэр уонна көдьүүстээхтик сокуону оҥорор парламены тэрийэргэ сөптөөх быһаарыныыны ылыныахтаахпыт диэн тоһоҕолоото.

Мунньах кэмигэр норуот дьокутааттарыттан уонна уопсастыбаннас бэрэстэбиитэллэриттэн үгүс ыйытыы уонна этии киирдэ.

Кэҥэтиллибит мунньах үлэтин хаамыытын кытта “Ил Түмэн” хаһыат аныгыскы нүөмэриттэн сиһилии билсээриҥ.

Без имени

2145

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением