Издательский дом Редакция Подписка
Погода в Якутске: . -12 oC

Сүрүн сонуннар

Бүгүҥҥү сонуннар

Бэлиитикэ

Тутуу туһунан сытыы сэһэргэһии

Кулун тутар 19 күнүгэр Ил Түмэҥҥэ «Саха Өрөспүүбүлүкэтин Аартыкатыгар социальнай эбийиэктэри уонна чааһынай дьиэлэри тутуу боппуруостара» төгүрүк остуол буолан ааста.
21.03.24 18:51

Экэниэмикэ

Ытык Дьааҥы сиригэр Сылгыһыт Күнэ алгыһы түhэрииттэн саҕаланыаҕа

Мария Архипова хаартыскаҕа түhэриитэ. 2023 с. / ЯСИА/ Кэлэр ый саҕаланыытыгар Ытык Дьааҥы сиригэр Аартыка эргимтэтигэр тыа хаhаайыстыбатын сайдыытын итиэннэ хоту сир тыйыс айылҕатыгар саха сылгытын үөрдээн иитиини сайыннарыы итиэннэ инники кэскилин торумнуур…
29.03.24 18:26

Уопсастыба

Сунтаартан “Алгыс” түмсүү ыалдьыттаата

Өлөөҥҥө Сунтаартан “Алгыс» диэн аҕам саастаах дьон ансаамбыла, 11 киһилээх дэлэгээссийэ ыалдьыттаан барда. Ыраахтан кэлбит ыалдьыттар бастаан “Алакуо” норуодунай этно-фольклор ансаамбыл кыттыылаахтарын кытары көрүстүлэр. Күн иккис аҥаарыгар ыалдьыттар…
29.03.24 18:50

Култуура

Дьааҥылар артыыстары тыыннаах тойугунан көрүстүлэр

"Артыыстар иhэллэр үhү",- диэн үтүө сурах дьааҥыларга өссө тохсунньу ыйга иhиллибитэ. Онон өр күүппүт артыыстарын көрсөөрү олохтоохтор кэлэр - барар күннэрин эрдэттэн аттаран, астарын-таҥастарын бэлэмнээбиттэрэ ыраатта. Болдьохтоох күн үүммүтүгэр күндү…
07.03.24 11:40

Түһүлгэ

Сааскы саарбах кэмҥэ

Аламай маҥан күн абыралын, үтүөкэн үрүҥ күн үтүөтүн билэргэ үүммүт күнү үөрэ - көтө, сүргэ көтөҕүллэ көрсөр дьоллоох түгэн, саҕаламмыт саҥа күнү айхаллыыр астык түгэн тосхойдо. Кубулҕаттаах кулун тутар ыйбыт кубулуҥ - дьибилиҥ буолар, күлэн иһэн дьэбин…
27.03.24 09:44

Тыа сирэ

Андрей Находкин: Дьон күннээҕи кыһалҕаны эрэ буолбакка, тыа сирин сайдыытыгар кэскиллээх этиилэри туруоруста

Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин бу күннэргэ бэйэтин уоукургар - Мэҥэ-Хаҥалас улууһугар үлэлиир. Кини улуус баһылыга Дмитрий Тихоновы кытта улуус нэһилиэктэринэн сылдьан…
03.02.24 09:00

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

Стамбулга мунан хаалбыппар Таҥара көмөлөспүтэ

2000 сылларга дуоллар 24-25 солк. этэ, онон Сочига барардааҕар Турцияҕа сынньаммыт быдан чэпчэки буолара. Сылаас, ыраас муораҕа күөлэһийэ сөтүөлээн, үгүс-үтүмэн аквапаркаҕа хатааһылаан, бассейнҥа сөрүүкээн, рестораҥҥа төһөнү кыайаргынан ас арааһын амсайан,…
31.08.23 20:56

Үлэһит киһи ханнык баҕарар ылсыбыт хайысхатыгар ситиһиилэнэр. Судаарыстыбаннай бэчээт эйгэтин куоһарар бөдөҥ медиа-бөлөҕү төрүттээбит Мария Христофорова дьокутаат да быһыытынан таһаарыылаахтык үлэлиэҕэр саарбахтаабат этибит. Ону өссө итэҕэтиилээхтик бигэргэтэн, Бырамыысыланнай, Губин, Киин уокуруктар олохтоохторо: “Туруорсуулаах үчүгэй дьокутааттанаммыт абыранныбыт”, -- диэн махтана, хайгыы эппиттэрэ туоһулаата.

Үлэһит киһи ханнык баҕарар ылсыбыт хайысхатыгар ситиһиилэнэр. Судаарыстыбаннай бэчээт эйгэтин куоһарар бөдөҥ медиа-бөлөҕү төрүттээбит Мария Христофорова дьокутаат да быһыытынан таһаарыылаахтык үлэлиэҕэр саарбахтаабат этибит. Ону өссө итэҕэтиилээхтик бигэргэтэн, Бырамыысыланнай, Губин, Киин уокуруктар олохтоохторо: “Туруорсуулаах үчүгэй дьокутааттанаммыт абыранныбыт”, -- диэн махтана, хайгыы эппиттэрэ туоһулаата.

 Итинник биһириир тыллары биһиги Ил Түмэн дьокутаата Мария Христофорова Набережнай быыбардыыр уокурук нэһилиэнньэтин кытта көрсүһүүтүгэр иһиттибит. Кулун тутар 24 күнүгэр буолан ааста. Дьокуускай куорат Думатыттан дьокутаат Владислав Дмитриев, бэрэссэдээтэли бастакы солбуйааччы Евдокия Евсикова, Губин уокуругун бэтэрээннэрин сэбиэтин бэрэссэдээтэлэ Надежда Баишева кыттыылаах.

Бу да тэрээһинин Мария Николаевна дьоҥҥо-сэргэҕэ туһалаах буоларын курдук былааннаабыт. “Аврора” мэдиссиинэ киинин эмчиттэрин ыҥырбыт, онон мунньахха кэлбиттэр босхо саахардарын бэрэбиэркэлэттилэр, хааннарын баттааһынын, тыыннара төһө уһунун анал мээрэйдиир тэрилинэн кээмэйдэттилэр, итиэннэ COVID-19 вируһун быһаарар ИФА икки анаалыһын 50 бырыһыан чэпчэтиилээх сыанаҕа туттардылар.

аврора общай

Ону сэргэ “Горпечать” таһаарбыт кинигэлэрин ааптардарыттан -- “Күрүлгэн” сурунаал эрэдээктэрэ Афанасий Гуринов-Арчылантан уонна виртуоз хомусчут Альбина Дегтярева-Айархаантан -- илии баттатан ыллылар.

горпечать общайга

92c99915 db3f 4939 a3a1 b8124d4e7b5f 1

Босхо юридическай консультацияны ыллылар.

35577b51 d420 4931 afc4 f9849585d926

"Горпечать" киоската сурунаал, хаһыат атыытын тэрийдэ.

eef6f85c 3917 4985 b14a bbf700c6b245

Кыһалҕалаахтар көрдөһүүлэрин быһа гыммакка толорор Мария Николаевна бу да көрсүһүүгэ биир үтүө дьыаланы оҥордо. Ол курдук, Үөһээ Бүлүү Балаҕаннааҕын элбэх оҕолоох эдэр ыала Жендринскэйдэр, саҥа туттубут дьиэлэрэ уокка былдьанан, турар бэйэлэрэ туга да суох хаалбыттар. Мария Николаевна алдьархай ааннаабыт дьиэ кэргэнигэр урбаанньыттартан үп-харчы көрдөспүт. Онуоха биир дойдулаахтара Николай Егорович Отов сөбүлэспит. Кини үөрүүлээх быһыыга-майгыга 40 тыһыынча суумалаах сэртипикээти матырыйаал ылалларыгар диэн анаан туттарда.

b425ab3a 2f79 497a aff3 ad1cdce28a96

Мария Николаевна үлэһит дьону бэлиэтиир үтүө үгэстээх. Бу сэргэх киэһэ норуодунай дьокутаат Махтал суругунан наҕараадаланнылар: КВД дерматовенеролог бырааһа Марина Сухарь, «Дом здоровья» мэдиссиинэ киинин сиэстэрэтэ Любовь Карпова, лучевой уонна функциональнай диагностика сиэстэрэтэ Ольга Сотникова, 33-с №-дээх оскуола социальнай педагога Любовь Аргунова, 21-с №-дээх оскуола учуутала Александра Дмитриева, 15-с оскуола дириэктэрин иитэр үлэҕэ солбуйааччы Ярослава Ноговицына, Киин уокурук дьахталларын сэбиэтин чилиэнэ Матрена Аргунова, Киин уокурук бэтэрээннэрин сэбиэтин бэрэссэдээтэлэ Варвара Дмитриева, Оҕо киинин тэрийээччи-педагога Антонина Титова, 26-с оскуола төрөппүттэрин кэмитиэтин бэрэссэдээтэлэ Эльвира Бушина, Бырамыысыланнай уокурук бэтэрээнин сэбиэтин бэрэссэдээтэлэ Людмила Скворцова, дьахталларын лигатын бэрэссэдээтэлэ Марияна Кузьмина, «Ивушки» ансаамбылын салайааччыта Тамара Попова.

ce1525dd d823 45a4 8e85 0e5f7616ed60

38c41a9b 9b85 4704 b8fb 0fdbb9494bf5

ec9b8a37 cd2e 4ede b13c f9d9de829973

6cd70fe0 be15 4670 b0cb 04757228b34e

2a4dd86a 5666 41cb 9e10 70fb9bdc784c

60060fd6 00bb 4495 96a1 a0c15ccfe61e

f174b8e3 5821 4f32 a709 65f212383e39

6ed40f4a 727a 40c5 b08a b9a9bc4c42c0

Губин уокуруга толору барыта, Киин уонна Бырамыысыланнай уокуруктар сорох чаастара киирэр Набережнай быыбардыыр уокуруктан Ил Түмэҥҥэ дьокутаат Мария Христофорова:

--Үөрүүлээх сонуннаахпын. Бүгүн кэтэһиилээх “Звездочка” оҕо уһуйааммыт аанын кырачааннарга тэличчи арыйда. Марина Силкиналыын бу дьыссаат аһылларын туһугар бэйэбит сэмэй кылааппытын киллэрбит дьон быһыытынан, үөрүүлээх чааһыгар ыҥырыллан сырыттыбыт. Манна сорох бөлөхтөрө доруобуйаларынан хааччахтаах оҕолорго аналлаахтар.  Нууччалыы чопчу эттэххэ, ментальнай уонна опорно-двигательнай аппарааттарыгар кэһиллиилээхтэр сылдьыахтара. Бастаан көннөрү оҕо саадын курдук бырайыактаан тутан испиттэрэ Онтон төрөппүттэр Ил Дархантан көрдөһөннөр, көҥдөйө дьэндэйбитин кэннэ уларытарга күһэллибиттэрэ. Биллэн турар, инбэлиит оҕону сырытыннарарга кэккэ ирдэбиллэр бааллар, онон көҥүлү биэриилэрэ уһаан-тэнийэн хаалбыта. Оттон билигин аныгы ирдэбилгэ эппиэттиир өссө биир бэртээхэй уһуйаан биһиги куораппытыгар баар буолла.

203-с түөлбэ балысханнык сайдар. Сотору кэминэн глобальнай үөрэхтээһин оскуолата баар буолуоҕа. Бу кыһа салайааччыларын кытта ситимнээхтик үлэлэһэ сылдьабын.

Оҕо тэрилтэлэрин ахтыбычча, оскуолатааҕы мэдиссиинэ боппуруоһун таарыйар оруннаах. Бу пандемия киһиэхэ саамай күндүтэ доруобуйата буоларын өссө төгүл өйдөттө. Биһиги үөрэнээччи уопсай туругун, аһылыгын мониториннаан кэтии сылдьыах тустаахпыт. Онуоха биэлсэр оскуола аайы баар буоларын ситиһиэхтээхпит. Кулун тутарга Госдумаҕа оскуолатааҕы мэдиссиинэ туһунан сокуон бырайыагын бастакы ааҕыыга көрдүлэр. Ол эрээри бу сокуон барылын сүрүн соруга медиктэри оскуолаҕа төнүннэрии эрэ. Оттон үлэлиир усулуобуйаларын тэрийии, араас аппарааттарынан, эминэн хааччыйыы, хамнастарын төлөбүрэ эрэгийиэннээҕи былаас быһаарарыгар сүктэриллэр.

ad05f2b3 5504 4dfd abae 1fc2c1918c40

Губинскай уокурукка 202-с оройуон 9-с куорпуһун диэки Роман Дмитриев кытылын оҥороору, иккис сылбытын туруорсабыт. Муус, дьэ,  хамсаата. Саҥа дьыл кэнниттэн куорат баһылыгын солбуйааччы Евгений Григорьевы көрсөн, этиилэрбитин киллэрбиппит. Онтон өр-өтөр буолбата, мэрия куорат эйгэтин салаатыттан эрийэн: “Думаҕа сайабылыанньа бэлэмнии сылдьабыт. Бырайыактааһыныгар үп көрдөөн”, -- диэтилэр. Онон табылыннаҕына, бэс ыйыттан үлэ саҕаланыа.

203-с түөлбэ инфраструктуратыгар элбэх накаас миэхэ түһэр. Кыбаартал иһинээҕи суоллары оҥоруохтаах хампаанньа былаанын сөбүлэһиигэ биэрбит. Мин өттүбүттэн Айыы кыһатын, муусукаалынай оскуола эҥин иннигэр түргэн сырыыны бытаардар “лежачай полицейскайдары” оҥороллорун хонтуруоллуом. “Парустар” диэнинэн биллэр дьиэлэртэн салгыы Чернышевскай уулуссаҕа тиийэр суол оҥоһуллуон наада. Ону эмиэ туруорсабын.

Бу сылга үлэлиир сүрүн хайысхаларбын торумнаабытым. Олору олоххо киллэриибэр куораттааҕы Дума дьокутааттара уонна олохтоохтор өйүөхтэрэ диэн эрэнэбин. Эһиги бары көххүтүнэн аппабытын туоруур муостабыт баар буолбута. Нэһилиэнньэ бачыымын өйүүр бырагыраама (ППМИ) чэрчитинэн үбүн булбуппут. Аны бу далаһабыт тулатын тупсарыыга үлэлэһэбит. Тоҕо диэтэххэ, 202, 203 оройуоннарга уопсай дьиэ наһаа элбэх, оттон сынньанар уопсастыбаннай миэстэ тарбахха баттанар аҕыйах. Онон ити сирбитин дьон-сэргэ сылдьар, оҕолор кэлэн оонньуур пааркаларыгар кубулутуохтаахпыт. Бырайыак бэлэмнээн киллэриэм.

Мария Николаевна ити былааннарын сугулаан кыттыылаахтара үөрэ иһиттилэр. Кинилэр дьокутааттара туолбаты туойбатын, эрэннэрбитин ситиһэн баран тэйэрин бэркэ билэллэр. Онон сотору кэминэн  олорор түбэлэрэ киэркэйиэҕин долгуйа күүтэллэр.

Салгыы тылы Дьокуускай куорат Думатын дьокутаата Владислав Дмитриев ылла:

bddcd5b8 37e2 43c5 bb98 5e21716c1df3

--Мин Дума хомунаалынай хаһаайыстыбатыгар уонна экологиятыгар, итиэннэ куораты тутууга хамыыһыйаларын чилиэнэбин. Онон сүрүн боппуруостары быһаарабын. Бу кэлин национальнай бырайыактар бырагыраамалара киирэннэр, үлэбит ол чэрчитинэн барар буолла. Хайдах оҥоро сылдьалларын кытаанахтык хонтуруоллуубут. Ааспыт сылга 24 км суол куоракка өрөмүөннэммит эбит буоллаҕына, быйыл устуоруйаҕа суох улахан үлэ ыытыллара былааннанар. Уопсайа 50 км усталаах суол аспаалланыаҕа. Аны туран, 90 тиэргэни тупсарар сорук турар. Онуоха  үбүлүүр спонсордары буларга үлэлэһэ сылдьабыт. Билиҥҥитэ М.Аммосов аатынан уулусса 4-с, 4/2-с, Каландаришвили 24/1 аадырыстарыгар турар уопсай дьиэлэр тулатынааҕы территориялары киһи сылдьарыгар табыгастаах, үчүгэй көстүүлээх гына оҥорбуппут. Кыайыы пааркатын тута сылдьарбытын билэҕит, бастакы түһүмэҕэ бүппүтэ. Ол курдук, онно номох буолбут снайпер Иван Кульбертиновка пааматынньык, өссө стела аһыллыбыта. Губин уокуругун уопсастыбаннай  сэбиэтин бэрэссэдээтэлэбин. Баһаартан оҕолору быыһаабыт Володя Губин бүүһүн норуот күүһүнэн туруорбуппут. Итинник бары сомоҕолостохпутуна, үлэбит көдьүүстээх буолуоҕа.

Владислав Михайлович үлэтин кылгастык сырдатан баран, Дьокуускай куорат Думатын аатыттан Махтал суруктары туттартаата: Губин уокуругун култуураҕа сэбиэтин бэрэссэдээтэлэ Ольга Голдобинаҕа, бэтэрээннэрин сэбиэтин чилиэнэ Марфа Егороваҕа, Марина Цареваҕа, актыбыыстар Мария Никитинаҕа, Любовь Щербинаҕа, Айыы кыһатын дириэктэрин солбуйааччы Клара Охотинаҕа.

Дмитриев диэн абзацка

Бу наҕараадаламмыттар курдук, уопсай үлэҕэ көхтөөх, актыыбынай гражданскай позициялаах дьон баарын тухары, ханнык баҕарар сонун бачыым өйөбүллээх, саҥа саҕалааһын тирэхтээх буолуоҕа. Оттон дьон, чахчы, эрэнэр киһитин, сирдьит оҥостор лиидэрин, муударай салайааччытын, туруорсуулаах дьокутаатын эрэ батыһар, киниэхэ күүс-көмө, бииргэ үлэлэһэр хамаанда буолар. Бу чааһыгар Набережнай быыбардыыр уокурук олохтоохторо бэркэ табыллан сылдьалларын, Ил Түмэҥҥэ уонна куорат Думатыгар талбыт дьоннорун үлэлэриттэн астыналларын көрсүһүү сылаас тыыннаах, истиҥ тыллаах эйгэтэ да сэмэйдик сэһэргээтэ... 

Евдокия Евсикова, Дума бэрэссэдээтэлин бастакы солбуйааччы:

евсикова

--Ил Түмэн алтыс ыҥырыытыгар Дьокуускай уокуруктарыттан олус күүстээх дьокутааттар турбуттар. Ол иһин парламены кытта хаһааҥҥытааҕар да ыкса ситимнээхтик үлэлэһэ сылдьабыт. Биллэн турар, 203-с уонна Сайсары түөлбэлэрин кыһалҕалара атын-атыттар. Бииригэр үчүгэй сквер наада буоллаҕына, анараа хаарбах дьиэ саас аайы уунан туоларын айдаана. Итинник боппуруостар барыта куорат иһинэн эрэ быһаарыллар кыахтара суох, онуоха норуодунай дьокутааттарбыт өйөөннөр, эрэгийиэн таһымыгар көрөллөр. Холобура, билигин оскуолатааҕы мэдиссиинэ сокуонун тула кэпсэтиилэр бара тураллар, Доруобуйа харыстабылын министиэристибэтин бэрэстэбиитэллэрэ, кылаабынай быраастар кыттыылаах мунньахтар буолуталаабыттара. Бары бу сокуон суолталааҕын билинэллэр уонна сотору кэминэн олоххо киириэн баҕараллар.

Надежда Баишева, Губин уокуругун бэтэрээннэрин сэбиэтин бэрэссэдээтэлэ:

баишева

--Быйыл өрөспүүбүлүкэбитигэр Чэбдигирии сыла. Ол аата аҥаардас балыыһаҕа эрэ баран эмтэнии буолбатах, бу – чэгиэнник-чэбдикдик сылдьыы мэктиэтэ. Ол туһуттан киһи этин-хаанын эрчийэр саалалара, кэрэ көстүүлэнэргэ аналлаах салоннар, тугу сөбүлүүргүнэн дуоһуйа дьарыктанар кииннэр нэһилиэнньэ бары араҥатыгар ааннара аһаҕас буолуохтаахтар. Оттон биһиэхэ, бэтэрээннэргэ, оннук бэйэбит эрэ түмсэр, көрсөн кэпсэтэр, сэлэһэр сирбит суох. Дьиҥэр, биһиги саамай көхтөөх дьоммут ээ. Бүгүн да манна мустубуттартан улахан аҥаарын ылабыт. Онон кырыйдыбыт диэн туора турбаппыт, олохпутун киэргэтэргэ, сэргэхситэргэ, уһатарга аналлаах киэҥ-куоҥ, сырдык, сылаас “Центр здоровой, активной старости” диэн дьиэлэниэхпитин баҕарабыт. Бу ыра санаабыт туоларыгар Мария Николаевна сабыдыаллыа диэн эрэнэбит.

     Антонина Дейко, уу тырааныспарын институтун физкультураҕа уһуйааччыта, волейболга спорт маастара:

дейко

     --Биһиги институппутугар омук тылын преподавателинэн 55 сыл үлэлээбит Галина Деревцова бу муус устар 10 күнүгэр 89 cааһын туолар. Кини 1932 сыллаах төрүөх. Ол эрээри былырыыҥҥа диэри тыыл бэтэрээнэ буоларын туоһулуур дастабырыанньата суох сылдьыбыта. Бэйэтэ да наһаа сэмэй киһи. Кыайыы күнүнэн эҕэрдэлии тиийдэхпитинэ, кини: “Оо, мин сэрии кыттыылааҕа аатын ыла иликпин ээ”, -- диэн кыбыстардыы туттара. Биирдэ бу боппуруоһун уокуругун дьокутаата Мария Христофороваҕа сэмээр этэн аһарбыт. Ол эрээри бу үйэҕэ диэри аккаастан атыны билбэтэх бэйэтэ туохха да эрэммэккэ сырыттаҕына, биир үтүө күн эрийэн, докумуона барыта табыллыбытын туһунан иһитиннэрбиттэр. Ол иһин Галина Александровна Мария Николаевнаҕа улаханнык махтанар, дьоҥҥо олус болҕомтолооҕун бэлиэтиир, ылсыбыт дьыалатын тиһэҕэр тиэрдэр үтүө өрүтүн биһириир. Норуот дьокутаата диэн маннык буолуохтаах – норуот туһугар ис сүрэҕиттэн кыһаллан үлэлиэхтээх.

Евгений Верхоткин, “Ярославскай” салайар хампаанньа дириэктэрин солбуйааччы:

приходкин

--Ярославскай уулуссатын саҕаланыыта турар дьиэлэр коллектордара сэбиэскэй кэминээҕи эбийиэк. Эргэрэн-кээһэнэн, ууну ыытарга да уустуктардаах буолбута. Хас да сыл бэйэбит тустаах тэрилтэлэри кэрийэн, уларыталларыгар этэн-көрдөһөн көрбүппүт да, халтайга эрэ хаамыы курдук буолара. Ону, хата, Ярославскай уулуссаҕа олорор актыбыыскабыт Джемма Даниловна, уокурукпут дьокутаатынан Мария Николаевна буолбутун истээт, киниэхэ үҥсэн, бу кыаллыбатах кыһалҕабытын  начаас быһаарбыта. Былырыын “Водоканал” 30 миэтэрэни хаһан, саҥа коллекторы туруорбута. Ити иһин олус махтанабыт.   

Лидия Сыроватская, Губин уокуругун дьахталларын сэбиэтин бэрэссэдээтэлэ:

сыроватская

--Олохпор бастакыбын маннык кыһамньылаах дьокутааты көрөбүн. Мария Николаевна түүн 2 чааска диэри биһигини кытта рейдэҕэ сылдьыһааччы. Күһүн “Оҕо саас куттала суох суоллара” диэн аахсыйаны ыытарбытыгар Владислав Михайлович Дмитриев улаханнык көмөлөспүтэ. Билигин өссө “Күөх куорат” диэн аахсыйаны былаанныыбыт. Онно эмиэ өйүүргүтүгэр көрдөһөбүт.

     Петров Сергей., 21-с оскуола үөрэнээччитэ, Губин уокуругун ыччатын сэбиэтин чилиэнэ:

сергей петров

--Биһиги оскуолабытыгар ыллыыр-туойар дьоҕурдаах оҕо элбэх. Ол талааннарын таһаараары, итиэннэ киирбит үбүнэн кыаммат ыалларга көмөлөһөөрү, аһымал кэнсиэри тэрийиэхпитин баҕарабыт. Өссө Губин уокуругун баһылыгын Кубогар үөрэнээччилэр култуура уонна спорт көрүҥнэригэр күрэхтэһээри гынабыт. Ити тэрээһиннэрбитин өйүүрүҥ буоллар.

Нина Готовцева, Губин уокуругун бэтэрээннэрин сэбиэтин чилиэнэ:

готовцева

--Мин сааһым тухары идэлээх сойууска үлэлээбитим. Ол иһин биэнсийэҕэ тахсан да баран, актыбыыскалыыр санаам хам буолбакка, бэтэрээннэр сэбиэттэригэр киирбитим. Мария Николаевна кырдьаҕастарын төрүт умнубат, хас бырааһынньык аайы эҕэрдэлиир. Торт кытта бэлэхтээччи. Киһиэхэ кыра да наада, болҕомтолоох дьокутааттаахпыт үөрдэр.

Бэтэрээннэр олус көхтөөхпүт. Дьокуускай  масленица бырааһынньыгар 100 араас көрүҥ блины астаан бастаабыппыт. Ханна туох буолар да, тиийбиппит эрэ баар буолар ээ. Олоххо тардыһыыбыт оннук күүстээх. Сибэкки эҥин олордон, субуотунньуктаан, ансаамбылга ыллаан, бэрт түмсүүлээхпит.

Марфа Егорова, Губин уокуругун бэтэрээннэрин сэбиэтин чилиэнэ:

егорова

--Бочуоттаах сынньалаҥҥа олорор саастаах дьон соҕотохсуйабыт, үөлээннээхтэрбитин кытта кэпсэтэн сэргэхсийэбит. Онуоха бэтэрээннэр сэбиэттэрин кэбиниэтигэр баран сэлэһиэхпитин олус кыараҕас. Онон ханна да мустар сирбит суоҕа адаҕалыыр. Улахан дьиэлэниэхпитин баҕарабыт.

Виктория Лонгинова, Губин уокуругун дьахталларын сэбиэтин чилиэнэ:

лонгинова

--Мин түөрт оҕолоох киһиэхэ 203-с түөлбэ олорорго олус табыгастаах. Оскуолабыт, дьыссааппыт, бибилэтиэкэбит, муусукаалынайбыт – барыта аҕыйах хаамыылаах сиргэ баар. Өссө тупсарыгар Мария Николевна үлэлэһэр санаалааҕын истэн үөрдүм. Быйыл уокурук дьахталларын сэбиэтэ СӨ Дьахталларын сойууһун кытта Анастасия Дарбасова “Розовая чайка” кинигэтин сүрэхтэниитинэн тэрээһин ыыппыппыт. Ону сэргэ Мария Николаевнаны кытта экология тиэмэтигэр хаартыскаҕа түһэрии өрөспүүбүлүкэтээҕи куонкуруһун. Дьокутааппыт дьонугар чугаһа хайҕаллаах.

Антонина Титова, Дьокуускай дьахталларын лигатын бэрэссэдээтэлэ:

e61f90d5 da4e 4861 b9d4 76770ad35b4e

--Биһиги "У войны не женское лицо" диэн бырайыактаахпыт. Ол чэрчитинэн Кыайыы пааркатыгар дьахтар уонна оҕо быһыылаах оҥоһуктары туруораары гынабыт. Мария Николаевна, баһаалыста, ол идиэйэбитигэр миэстэ биэрэллэрин курдук кэпсэтээр эрэ. Уонна манна даҕатан этэбин, дьокутаат буолар диэн наһаа улахан сыралаах үлэ. Бары туох эрэ былаас, хамнас  эрэ курдук саныыллар. Оттон ис дьиҥэр бу уопсастыбаннай үлэ. Дьон накааһын толоруу. Тулуурдаах уонна дьулуурдаах, чахчы, дойдутун, норуотун туһугар ис сүрэҕиттэн кыһаллар эрэ киһи кыайа тутар эбээһинэһэ. Эйиэхэ махтал, биһиги кыһамньылаах дьокутааппыт Мария Николаевна! 

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением