Уопсастыбаннай хонтуруол
Ил Түмэн судаарыстыбаннай тутууга уонна сокуону оҥорууга сис кэмитиэтин бэрэссэдээтэлэ Алексей Еремеев Саха Өрөспүүбүлүкэтигэр уопсастыбаннай хонтуруол туһунан Ил Түмэн уурааҕын бырайыагын кытта билиһиннэрдэ.
Уопсастыбаннай хонтуруол диэн – былаас бары салааларын үлэлэрин уопсастыба кэтээн көрөр. Маныаха былаас уопсастыбаннай хонтуруол бэлиэтээһиннэрин, итэҕэстэри-быһаҕастары ыйыытын учуоттуура ирдэнэр. Уопсастыбаннай хонтуруолу судаарыстыбаннай уонна муниципальнай былаас иһинэн үлэлиир уопсастыбаннай сүбэлэр толороллор.
Алексей Ильич дакылаатын кэмигэр парламентскай истиилэргэ ылыныллыбыт быһаарыныыларын билиһиннэрдэ. Норуот дьокутааттара уураах бырайыагын өйөөтүлэр.
Арыгы бородууксуйатын, авиация туһунан
Ил Түмэн урбааҥҥа, туризмҥа уонна инфраструктура сайдыытыгар сис кэмитиэтин бэрэссэдээтэлэ Игорь Григорьев арыгы уонна спиртээх бородууксуйа атыытын, арыгы иһиитин хааччахтааһын туһунан парламентскай истиилэр эрэкэмэндээссийэлэрин, Саха Өрөспүүбүлүкэтин аччыгый авиациятын сайдыытын уонна авиа-тарыыптар туһунан Ил Түмэн уурааҕын бырайыагын билиһиннэрдэ.
Спорт уонна тэхэньиичэскэй кэтэбил
Ил Түмэн ыччакка, физическай култуураҕа уонна спорка сис кэмитиэтин бэрэссэдээтэлэ Михаил Гуляев Саха Өрөспүүбүлүкэтин физическай култууратын уонна спордун билиминэн уонна каадырынан хааччыллыы туһунан “төгүрүк остуол” эрэкэмэдээссийэрин билиһиннэрэн бигэргэттэрдэ.
Ил Түмэн экэнэмиичэскэй, инвестицоннай уонна бырамыысыланнай бэлитиикэтин сис кэмитиэтин бэрэссэдээтэлэ Павел Петров Саха Өрөспүүбүлүкэтин самоходнай массыыналарын уо.д.а. тиэхиньикэтин тэхиньиичэскэй кэтэбилин туһунан сокуонугар 5-с уонна 6-с ыстатыйаларга уларытыылары киллэрии сокуонун барылын кэпсээтэ. Норуот дьокутааттара Ил Түмэн уурааҕын ылыннылар.
-
0
-
0
-
0
-
0
-
0
-
0
