Издательский дом Редакция Подписка
Погода в Якутске: . 27 oC
КУРС ЦБ: $ 72,86 | 88,65

2021 сыл муус устар 30 күнүгэр СӨ Ил Дархана Саха Өрөспүүбүлүкэтин Төрүт сокуонугар гражданнар социальнай бырааптарын мэктиэлэрин, дьиэ кэргэн уонна оҕо саас боппуруостарын, үөрэҕи уонна доруобуйа харыстабылын хааччыйар көннөрүүлэри уонна эбиилэри киллэрэр туһунан конституционнай сокуон барылын оҥорон Ил Түмэн көрүүтүгэр киллэрбитэ.

2021 сыл муус устар 30 күнүгэр СӨ Ил Дархана Саха Өрөспүүбүлүкэтин Төрүт сокуонугар гражданнар социальнай бырааптарын мэктиэлэрин, дьиэ кэргэн уонна оҕо саас боппуруостарын, үөрэҕи уонна доруобуйа харыстабылын хааччыйар көннөрүүлэри уонна эбиилэри киллэрэр туһунан конституционнай сокуон барылын оҥорон Ил Түмэн көрүүтүгэр киллэрбитэ.

 

Билигин өрөспүүбүлүкэҕэ бу сокуон барылын уопсастыбаннай дьүүллэһиитэ бара турар. Маныаха саҥа сокуон барылын туһунан Ил Түмэн Судаарыстыбаннай Мунньаҕын социальнай харалтаҕа уонна үлэҕэ сис кэмитиэтин бэрэссэдээтэлэ Владимир Чичигинаров бу курдук быһаарда:

– Саха Өрөспүүбүлүкэтин Ил Дарханын көҕүлээһининэн, Саха Өрөспүүбүлүкэтин Төрүт сокуонугар тустаах уларытыылары уонна көннөрүүлэри киллэрэр конституционнай сокуон барыла оҥоһулунна. Бу докумуон былырыын ылыллыбыт РФ Төрүт сокуонун саҥа көннөрүүлэригэр олоҕурар. Онон өрөспүүбүлүкэ сокуонун федеральнай сокуоннарга сөп түбэһиннэрэр.

Маныаха СӨ Ил Дарханын дьаһалынан анал үлэлиир бөлөх тэриллибитэ. Мин бу бөлөххө социальнай блогу сүрүннүүр саастаапка үлэлиибин. Онуоха социальнай хайысханан субу курдук көннөрүүлэр киириэхтэрэ.

Бастатан туран, судаарыстыба дойду үрдүнэн дьоһуннаах хамнас алын төлөбүрүн мэктиэлиир буолар. Манна биһиги хотугу кэписийиэммит уонна эбии төлөбүрдэрбит барыта учуоттаналлар. Иккиһинэн, социальнай хааччыйыы туһунан өйдөбүл бигэтик киирэр. Бу өйдөбүл гражданнар социальнай өттүнэн көмүскэллээх буолууларын хааччыйар сыаллаах. Үсүһүнэн, доруобуйа харыстабылын өттүнэн, бар дьон хаачыстыбалаах мэдиссиинэ өҥөлөрүнэн уонна көмөлтөтүнэн хааччыллыыларын туһунан өйдөбүл эбилиннэ. Ону таһынан, чөл олоҕу көҕүлүүр усулуобуйалары тэрийии, гражданнар доруобуйаларын туһугар бэйэлэрэ эппиэтинэстээх буолууларын сайыннарыы туһунан саҥа өйдөбүллэр киирдилэр.

Былырыын СӨ Ил Дархана Айсен Николаев Ил Түмэн Судаарыстыбаннай Мунньаҕар Анал этиитигэр, 2021 сылы –  “Доруобуйа” сылынан биллэрбитэ. Оттон бу ааспыт кулун тутар ыйга анал дьаһала таҕыста. Онон 2030 сылга диэри өрөспүүбүлүкэҕэ уон сыллаах доруобуйа кэрдииһэ биллэрилиннэ. Ити дьаһал уопсастыбаннай доруобуйаны бөҕөргөтүү уонна доруобуйа харыстабылын систиэмэтин сайыннарыы стратегиятыгар сөп түбэһэр, – диэн Владимир Ильич сырдатта.

Ил Түмэн пресс-сулууспатын матырыйаалынан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ