Норуот дьокутааттара Ил Түмэн XXVII уочараттаах пленарнай мунньаҕар бу сокуон барылын өйөөтүлэр.
Парламент спикерэ Петр Гоголев уопсастыбаннай дьүүллэһии кэмигэр элбэх этии киирбитин бэлиэтээтэ. Сокуон барылын сүнньүнэн сүрүн иһитиннэриини СӨ Ил Дарханын уонна Бырабыыталыстыбатын салайааччы Афанасий Владимиров оҥордо. Афанасий Семенович СӨ Төрүт сокуонугар киириэхтээх саҥа тиэкистэри уонна балаһыанньалары кытта сиһилии билиһиннэрдэ.
СӨ Ил Дархана Айсен Николаев кэлэр 2022 сылга өрөспүүбүлүкэ Төрүт сокуонун 30 сыла бэлиэтэнэрин туһунан эттэ. “Бу кэм устата Саха Өрөспүүбүлүкэтигэр Төрүт сокуоҥҥа харыстабыллаах сыһыан олохтонно. Конституционнай нуормалар эволюция сокуонунан уларыйаллара сөптөөх. Онуоха киһи уонна гражданин бырааба, социальнай сиэр-майгы тулхадыйбат тулааһыннарынан буолаллар”, – диэн Айсен Сергеевич эттэ. Ил Дархан бүгүҥҥү конституционнай уларыйыы кыттыылаахтара Саха сирин аныгы историятын оҥорсоллорун туһунан бэлиэтээтэ.
- 0
- 0
- 0
- 0
- 0
- 0