Отчуоту Ааҕар-суоттуур палата бэрэссэдээтэлэ Егор Марков билиһиннэрдэ. Хос дакылааты Ил Түмэн бүддьүөккэ, үпкэ-харчыга, нолуокка уонна сыана бэлиитикэтигэр сис кэмитиэтин бэрэссэдээтэлэ Юрий Николаев оҥордо.
Норуот дьокутааттара Виктор Федоров, Евгений Кожухов, Валерий Лютый тыл эттилэр.
Виктор Федоров Ааҕар-суоттуур палата мөлтөх үлэлээҕин ыйда. Кини Ил Түмэн хонтуруоллуур функцияларын күүһүрдэригэр этии киллэрдэ. Парламентарий утары куоластыырга ыҥырда.
Евгений Кожухов Ааҕар-суоттуур палата көтүмэхтик, сокуону кэһиилээх үлэлиирин кириитикилээтэ. Инникитин уорган үлэтин тупсарарыгар эттэ.
Валерий Лютый палата дьокутааттар сорудахтарынан уонна көрдөһүүлэринэн түргэнник үлэлиэхтээҕин ыйда. Кини национальнай бырайыактары олоххо киллэриигэ көрүллэр үп-харчы хонтуруолун күүһүрдэллэригэр этии киллэрдэ.
Куоластааһын түмүгүнэн норуот дьокутааттара отчуоту ылымматылар.
- 0
- 0
- 0
- 0
- 0
- 0