Бастатан туран, 2006 сыл алтынньы 11 күнүнээҕи “Саха Өрөспүүбүлүкэтин судаарыстыбаннай гражданскай сулууспатын дуоһунастарын уонна судаарыстыбаннай дуоһунастарын реестрын туһунан” сокуон сыһыарыыта уларыйда. Ол курдук, саҥардыллыбыт реестрга СӨ Төрүт сокуонун сүбэтин бэрэссэдээтэлэ, бэрэссэдээтэли солбуйааччы, сүбэһит-сэкирэтээрэ уонна аппараатын үлэһиттэрин дуоһунастара киирдилэр. Биллэн турар, эрдэтээҕи реестртан Төрүт сокуон суутун дуоһунастара уһулуннулар.
Иккиһинэн, 2005 сыл ыам ыйын 30 күнүнээҕи “СӨ судаарыстыбаннай гражданскай сулууспатын туһунан” сокуон сыһыарыыта уларыйда. Манна саҥа уорган аппараатын судаарыстыбаннай гражданскай сулууспатын чыыннара чопчуланнылар.
Үсүһүнэн, 2018 сыл ахсынньы 19 күнүнээҕи “СӨ судаарыстыбаннай дуоһунастарын туһунан” сокуоҥҥа эбии көннөрүүлэр киирдилэр.
Даҕатан эттэххэ, бу сокуон олоххо киирэригэр өрөспүүбүлүкэ бүддьүөтүттэн эбии үп-харчы көрүллүбэтин туһунан этиллэр.
- 0
- 0
- 0
- 0
- 0
- 0