Издательский дом Редакция Подписка
Погода в Якутске: . -19 oC
КУРС ЦБ: $ 71,53 | 82,83

Ил Түмэн Бэрэссэдээтэлин солбуйааччы Антонина Григорьева бэс ыйын 23 күнүгэр «Оскуолаҕа киириэх иннинээҕи саастаах оҕолор оҕо саадыгар босхо сылдьалларын мэктиэлиир докумуону, оҕо саадын уратыларын учуоттуур коэффициены, субвенция кээмэйин ааҕыы ньыматын уонна олохтоох бүддьүөт оҕо уһуйааҥҥа босхо сылдьарын мэктиэлиир быраабын олоххо киллэрэргэ бэриллибит субвенцияны ороскуоттааһынын нормативын бигэргэтии туһунан» диэн боппуруоһунан оробуочай мунньах ыытта.

Ил Түмэн Бэрэссэдээтэлин солбуйааччы Антонина Григорьева бэс ыйын 23 күнүгэр «Оскуолаҕа киириэх иннинээҕи саастаах оҕолор оҕо саадыгар босхо сылдьалларын мэктиэлиир докумуону, оҕо саадын уратыларын учуоттуур коэффициены, субвенция кээмэйин ааҕыы ньыматын уонна олохтоох бүддьүөт оҕо уһуйааҥҥа босхо сылдьарын мэктиэлиир быраабын олоххо киллэрэргэ бэриллибит субвенцияны ороскуоттааһынын нормативын бигэргэтии туһунан» диэн боппуруоһунан оробуочай мунньах ыытта.

Мунньахха улуустааҕы үөрэх управлениелара, СӨ Үөрэҕин министиэристибэтин бэрэстэбиитэллэрэ уонна парламент аппааратын үлэһиттэрэ кытыннылар.

Үөһэ этиллибит боппуруос туһунан аан бастаан Ил Түмэн вице-спикерэ Антонина Григорьева Ил Түмэн тустаах кэмитиэтин мунньаҕар эппитэ. Кини үөһэ этиллибит уураах оҕо саадын үлэһиттэрин долгутарын туһунан бэлиэтээтэ.

СӨ үөрэххэ уонна наукаҕа миниистирин бастакы солбуйааччы Ирина Любимова сүрүн иһитиннэрии оҥордо. Кэнникки икки сылга министиэристибэ үбүлээһин саҥа нормативын оҥорууга ылсан үлэлээбит. Кини этэринэн, бу хайысхаҕа федеральнай судаарыстыбаннай стандарт олохтонон, ыстаат араспысаанньатыгар уонна оҕо саадын көрүүгэ-истиигэ үбү аттарыыга саҥа сыһыан ирдэммит.

Ол курдук, өрөспүүбүлүкэ уурааҕынан саҥа нормативтар олохтоммуттар. Бастатан туран, нэһилиэнньэлээх пуун нэһилиэнньэтин уонна оҕо саадын оҕотун ахсаанын наардааһыныгар сыһыан уларыйбыт. 15 тыһ. киһиттэн аҕыйах нэһилиэнньэлээх куоракка уонна тыа сиригэр, аартыка түөлбэтигэр туспа категориялары олохтообуттар. Оҕо саадын үлэтин эрэсиимигэр 5 чаастаах кылгас кэмҥэ сылдьыы бөлөҕүн киллэрэр туһунан этии киирбит. Ону таһынан 5 чаастан 24 чааска диэри чаастаах бөлөхтөрү үөрэх иннинээҕи саастаах оҕолору иитэр тэрилтэлэргэ киллэрэр туһунан этии киирбит.

Ирина Любимова иһитиннэриитин кэнниттэн норуот дьокутааттара ыйытыылары биэрдилэр. Мария Христофорова саҥа уурааҕынан оҕо саадын үлэһиттэрин сарбыйыы буолуоҕа дуо диэн ыйытта. Миниистири солбуйааччы эппитинэн, өрөспүүбүлүкэ оҕо саадын үлэһиттэрин ыстааттарын ааҕан, сарбыйыллар үлэһиттэр ахсааннара атырдьах ыйын бүтэһигэр биллиэҕэ диэтэ.

Норуот дьокутаата Марина Силкина: «90-с сылларга төннөн эрэбит диэн дьиксинэбин. Оҕо саадын эрэсиимин аччатыы уонна үлэһиттэрин сарбыйыы элбэх киһини үлэтэ суох хаалларыаҕа диэн сабаҕалыыбын. Уурааҕы ылыннахпытына, төттөрү көтүрэрбит уустуктаах буолуоҕа», -- диэн санаатын эттэ.

Норуот дьокутаата Андрей Находкин Арассыыйаҕа ылыллыбыт нормативка сөп түбэһиннэрэн өрөспүүбүлүкэтээҕи уурааҕы ылыналларын бэлиэтээн туран: «Тыа сиригэр 40-50 оҕо уһуйааҥҥа сылдьар. Икки иитээччи кинилэри көрөр. Өскөтүн 30 оҕоҕо диэри норматив киллэрдэхпитинэ, биир эрэ иитээччи үлэлиэҕэ. Биһиэхэ 445 нэһилиэк баар, ол аата 445 иитээччи үлэтэ суох хаалар. Пленарнай мунньахха пандемия кэмигэр үлэһити сарбыйыы ыытыллыа суохтааҕын туһунан уураах ылыммыппыт эбээт», -- диэн санаатын эттэ

Уурааҕы дьүүллэһии түмүгэр Антонина Григорьева: «Норуот дьокутааттара бу боппуруоһу быһаарарга этиилэри бэлэмниэхтэрэ, парламент бу кыһалҕалаах боппуруоһу ураты хонтуруолга ылыаҕа», -- диэн эттэ. Бу боппуруос туһунан «Ил Түмэн» хаһыат кэлэр нүөмэригэр сиһилии суруйуохпут.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ