Ил Түмэн Бэрэссэдээтэлэ Алексей Еремеев бэйэтин дакылаатыгар Саха сирин судаарыстыбаннаһын сайдыытын сүрүн кэрдиис кэмнэрин бэлиэтээтэ. Кини: “Сибиир национальнай өрөспүүбүлүкэлэрин икки ардыгар Саха сирэ судаарыстыбаннас докумуоннарын оҥоһууга бастакы күөҥҥэ сылдьыбыта уонна сылдьар даҕаны”, – диэн киэн тутта эттэ.
Салгыы Алексей Ильич Саха сирин судаарыстыбаннаһын сайдыытын саҥа кэмигэр тохтоото. Манна Ил Түмэн Бэрэссэдээтэлэ: “Өрөспүүбүлүкэ Арассыыйа федерализмын сүрүн бириинсиптэриттэн хаһан да туораабатаҕа”, – диэн даҕатан бэлиэтээтэ.
Кэмпириэнсийэ пленарнай мунньаҕын СӨ Конституционнай Сүбэтин бэрэссэдээтэлэ, юридическай билим дуоктара Петр Гоголев уонна РФ Үтүөлээх юриһа, М.К. Аммосов аатынан СӨ судаарыстыбаннай бириэмийэтин лауреата, юридическай билим дуоктара Александр Ким-Кимэн салайан ыыттылар. Тэрээһин кыттыылаахтара Александр Ким-Кимэн, историческай билим дуоктарын Анатолий Алексеев, Саха сирин, Татарстан, Башкортостан, Хакасия, Москва уонна Киргизия учуонайдарын дакылааттарын иһиттилэр.
Ил Түмэн Пресс-киини матырыйаалынан.
- 0
- 0
- 0
- 0
- 0
- 0