Юрий Николаев сэтинньи 8-9 күннэригэр Мирнэйгэ үлэлээтэ
Издательский дом Редакция Подписка
Погода в Якутске: . 10 oC

Сүрүн сонуннар

Бүгүҥҥү сонуннар

Бэлиитикэ

Биэнсийэ, хамнас уонна тииһинэн олоруу алын кээмэйэ улаатар

Бэс ыйын 1 күнүттэн үлэлээбэт биэнсийэлээхтэр биэнсийэлэрэ 10 %-ынан үрдүөҕэ, ону таһынан хамнас алын кээмэйэ уонна тииһинэн олоруу алын кээмэйэ 10 %-ынан улаатыаҕа. Итинник дьаһалы Судаарыстыбаннай Сэбиэт президиумун мунньаҕар Бэрэсидьиэн Владимир Путин…
26.05.22 09:08

Экэниэмикэ

Дьоруой сулуһугар тиэрдибит суол

Сунтаар улууһун «Кириэстээх» кэпэрэтиибин чулуу ыанньыксыта, үс истиэпэннээх «Үлэ Албан аата» уордьан толору кавалера, Саха сирин хомсомуолун бириэмийэтин лауреата, «Бочуот» уонна «Хотугу сулус» уордьаннардаах Владимир Африканович Михайловка Саха…
26.05.22 14:29

Уопсастыба

Култуура

Саха театрын сыанатыгар кэскиллээх бырайыак сүрэхтэннэ!

Ыам ыйын 24 күнүгэр Саха театрыгар дьоhун тэрээhин ыытылынна. Ол курдук Дьокуускайдааҕы педагогическай колледж устудьуоннарын кытта Саха театрын артыыстара биир санааҕа түмсэн, эрдэттэн бэлэмнэнэн, айымньылаахтык үлэлээн-хамнаан «Семинария паартатыттан…
25.05.22 23:10

Түһүлгэ

 Мүрүйээдэ: үтүмэн үйэлэр быыстарын сэгэтэн

Мүрү Эбэ аата аан бастаан сурукка-бичиккэ киирбитэ 355, Бороҕон улууһугар оҕону үөрэхтээһин саҕаламмыта 250, Саха АССР тэриллибитэ 100 сылларынан, итиэннэ Мүрүгэ Саха Сирин норуоттарын VIII спортивнай оонньууларын көрсө, "Мүрүйээдэ (үтүмэн үйэлэр быыстарын…
07.04.22 22:37

Тыа сирэ

Хаптаҕайтан хааннаахпын хаһан да умнубаппын...

Өлүөнэ эбэбит уҥа биэрэгэр, Мыла, Тамма үрэхтэр икки ардыларыгар тайаан сытар, үс Геройу үөскэппит өлгөм буордаах, үтүө-мааны үлэһит дьонноох, төрөөбүт-үөскээбит Хаптаҕайбыт төрүттэммитэ 200 сылыгар, Социалистическай Үлэ Геройа Гаврил Семенович Самсонов…
10.04.22 16:09

Дойдуга бэриниилээх буолуу сыла

Эһиил Пионерия төрүттэммитэ 100 сылын бэлиэтиэхпит

Бүгүн, алтынньы 1 күнүгэр, Москуба куоракка «Кыайыы» түмэлигэр Норуоттар икки ардыларынааҕы «СПО-ФДО» оҕолор уопсастыбаннай түмсүүлэрин сойууһун ассамблеята ыытылла турар. Арассыыйа эригийиэннэриттэн уонна СНГ дойдуларыттан кэлбит делегаттар сайдар саҕахтары…
01.10.21 23:59

Устуоруйа

Устуоруйа

75 саастаах Өйдөбүнньүк

1941-1945 сс. Аҕа дойдуну көмүскүүр Улуу сэриигэ оҕолорун мэлиппит ийэлэр, кэргэттэрин сүтэрбит огдооболор, аҕаларын былдьаппыт тулаайахтар манна кэлэн сүгүрүйэллэрэ, өлбүттэр куттара манна баарын курдук саныыллара...
26.05.22 14:08

Ил Түмэн бүддьүөккэ, үпкэ, сыана бэлиитикэтигэр итиэннэ бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев сэтинньи 8-9 күннэригэр Ил Дархан Айсен Николаевы кытары Мирнэй оройуонугар үлэлээтэ.

Ил Түмэн бүддьүөккэ, үпкэ, сыана бэлиитикэтигэр итиэннэ бас билии уонна приватизация боппуруостарыгар сис кэмитиэтин бэрэссэдээтэлэ Юрий Николаев сэтинньи 8-9 күннэригэр Ил Дархан Айсен Николаевы кытары Мирнэй оройуонугар үлэлээтэ.

Саха сирин арҕааҥы түбэтигэр геологическай-чинчийэр эспэдииссийэ алмаас баайдаах ураты сири уонна Сохсолоох үрэххэ «Айхаллааҕы» кимберлитовай трубканы арыйбыта, Айхал оробуочай бөһүөлэк олохтоммута 60 сылын туола охсубут. Айсен Николаев уонна Юрий Николаев оробуочай сырыыларын «АЛРОСА» хампаанньа Айхаллааҕы хайа-байытар фабрикатын үлэтин-хамнаһын билсиһииттэн саҕалаатылар.

Ю_Николаев_3.jpg

14 №-дээх Айхаллааҕы хайа-байытар фабрика 1996 сыллаахтан үлэлиир, сылга 10 мөл. т руданы хостоон байытар кыамталаах. 2020 сыл түмүгүнэн, фабрика 7,6 мөл. т руданы таҥастаабыт, 8 мөл. карат алмааһы хостообут. Үйэ чиэппэрин устатыгар 225 мөл. т алмаас рудатын таҥастаабыт, 150 мөл. карат алмааһы хостообут, ол суумата 12 млрд долларга тэҥнэһэр. Фабрикаҕа саҥа технология өрүү туһаныллар, ол курдук, быйыл саас алмааһы ылгыыр хаачыстыбаны тупсарар сыалтан күүгэннээх сепарация узелын туһаныыга киирбиттэр.

Юрий_Николаев_5.jpg

Архитектор, архитектура кафедратын доцена Георгий Горохов уонна биирдэм урбаанньыт, Тимир уустарын сойууһун чилиэнэ Илиан Павлов «Норуоттар доҕордоһуулара» ландшафтнай-этнографическай комплекс Концепциятын оҥорбуттар. «АЛРОСА» хампаанньа бөһүөлэк үбүлүөйүн чэрчитинэн, бырайыагы олоххо киллэрэргэ 1,6 мөл. солк. көрбүт. Онон быйыл ландшафтнай-этнографическай комплекс оҥоһуллуохтаах территорията күрүөлэммит. Эһиил 4 миэтэрэ үрдүктээх, 5 миэтэрэ кэтиттээх «Байанай» диэн уус-уран композиция туруоруллуохтаах итиэннэ «Аал Луук Мас» оҥоһуллуохтаах. Ону таһынан компекс хабар сирин тупсарыы, ыраастааһын, аппа-дьаппа сирдэргэ буор кутан, сир ньуурун дэхсилээһин үлэтэ ыытыллыахтаах. Бөһүөлэк дьаһалтатын баһылыга Галия Петровская этэринэн, билигин ландшафтнай-этнографическай комплекс аатын толкуйдааһыҥҥа куонкурус биллэриллибит.

Айхал бөһүөлэгэ төрүттэммитэ 60 сыллаах үбүлүөйүн бэлиэтээһин «Северное сияние» култуура дьиэтигэр үрдүк таһымҥа ыытылынна.

– 60 сыл устата Айхал бырамыысыланнай бөһүөлэк буола улаатан, билигин аныгы олоххо толору эппиэттиир куорат буолла. Айхал Мииринэй оройуонун уонна өрөспүүбүлүкэ социальнай-экэнэмиичэскэй сайдыыларыгар сүрүн кылаатын киллэрэр. «АЛРОСА» хампаанньа алмааһын 24 %-на Айхалтан хостонор. Ол эрээри, Айхал сүрүн баайынан эһиги, олохтоохтор, буолаҕыт, эһиги баар буолаҥҥыт, Айхал сайдар-тупсар, бөһүөлэк устуоруйата суруллар. Билиҥҥи эдэр көлүөнэ дьон бөһүөлэги өссө сайыннарыахтара диэн эрэнэбит, – диэтэ Айсен Николаев. Салгыы үлэ бастыҥнарыгар өрөспүүбүлүкэ үрдүкү наҕараадаларын туттартаата. 

Ю_Николаев_1.jpg

-- Бөһүөлэк олоҕор үгүс уларыйыы тахсыбыт, ол эрээри, бөһүөлэк олохтоохторун дьоҕус Ийэ дойдуларыгар истиҥ сыһыаннара уларыйбат. Кинилэргэ Айхал көннөрү олорор сир эрэ буолбатах, араас омугу иллээхтик сомоҕолуур уопсай дьиэ буолар, – диэтэ Юрий Николаев итиэннэ Ил Түмэн Бочуотунай Грамотатын Айхаллааҕы хайа-байытар фабрика дириэктэрэ Евгений Денисовка, Ил Түмэн бэрэссэдээтэлин Махталын Айхаллааҕы хайа-байытар фабрика дириэктэрин производствоҕа солбуйааччы Андрей Дубноҕа, сис кэмитиэт Грамотатын ВТБ (ПАУо) баан операционнай офиһын дириэктэригэр, Айхал бөһүөлэгин сэбиэтин бүддьүөккэ, нолуок бэлиитикэтигэр, сири туһаныыга уонна бас билиигэ хамыыһыйатын бэрэссэдээтэлэ Александр Бочаровка уо.д.а. туттартаата.

Сэтинньи 9 күнүгэр Айсен Николаев Айхалга оробуочай сырыы түмүгүнэн ыытыллыбыт мунньахха доруобуйа харыстабылыгар итиэннэ хаарбах туруктаах дьиэлэртэн дьону көһөрүүгэ кэккэ сорудахтары биэртэлээтэ.

Ю.Николаев_школа5а.jpg

Күнүстэн киэһэ Ил Дархан баһылыктаах оробуочай бөлөх бөһүөлэккэ баар доруобуйа харыстабылын тэрилтэлэрин үлэтин-хамнаһын билистэ, эмчиттэри олохсутан үлэлэтэр, эмтиир-сэрэтэр үлэ көрүҥүн кэҥэтэр соругу туруорда. Бөһүөлэги олохтообут Г.А. Кадзов аатынан 23 №-дээх орто оскуолаҕа Георгий Александрович Кадзовка анаммыт өйдөбүнньүк дуосканы арыйыыга сырытта итиэннэ оскуола кэлэктиибин кытары көрүстэ, «Точка роста» киин үлэтин билистэ. Бу туһунан Ил Дархан уонна Бырабыыталыстыба  пресс-сулууспата иһитиннэрэр.

Хаартыскаҕа Андрей Сорокин (СИА) түһэриилэрэ.

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением