Издательский дом Редакция Подписка
Погода в Якутске: . -9 oC
КУРС ЦБ: $ 73,96 | 86,68

Ил Түмэн дьокутаата Руслан Федотов Амма улууһун дохуоттара алын кээмэйгэ тиийбэт,  үөрэнэр элбэх оҕолоох ыалга 20 планшеты бэлэхтээтэ.

Ил Түмэн дьокутаата Руслан Федотов Амма улууһун дохуоттара алын кээмэйгэ тиийбэт,  үөрэнэр элбэх оҕолоох ыалга 20 планшеты бэлэхтээтэ.

Маннык үтүө баччыым пандемия кэмигэр улахан көмө буолар. Билэрбит курдук, коронавирустан сылтаан оскуолалар дистанционнай үөрэххэ суһаллык көспүттэрэ. Элбэх ыал үөрэнэр көмпүүтэрэ, планшета суох буолан үгүс күчүмэҕэйдэри көрсүбүтэ саарбахтаммат.

Руслан Федотов  бу этиитинэн Саха өрөспүүбүлүкэтин Үөрэҕин министиэристибэтигэр тахсан, үөрэххэ ханнык кыамталаах планшеттар сөп түбэһэллэрин ыйыталаспыта. Онон бары техническэй ирдэбилгэ сөп түбэһэр планшеттар ылыллан Амма улууһугар кэллилэр. Улуустааҕы үөрэх управлениетын, оскуола директордарын кытта сүбэлэһэн,  үөрэнэр элбэх оҕолоох ыалга, актыыбынай үөрэнээччигэ диэн ирдэбилинэн үллэрдилэр. Биир да нэһилиэк туора тутуллан хаалбата.

Руслан Еремеевич планшетка хас биирдии оҕоҕо ааттарын суруйан туран бэйэтин үтүө санаатын тириэртэ. “Үчүгэйдик үөрэнэн сайдыы аартыгынан эрэллээхтик хардыылаа, төрөөбүт дойдугар, дьоҥҥор туһалаах дьоһун киһи буолуоҥ диэн эрэнэбин! Ил Түмэн дьокутаата Руслан Еремеевич Федотов” диэн планшеты кытта тус открыткаҕа сурулунна.

Оҕолор, төрөппүттэр үөрүүлэрэ үгүс, дьокутаакка махталларын тиэрдэллэр.

“Коронавирус пандемиятын кэмигэр үөрэх эйгэтэ улахан бэлэмэ суох дистанционнай үөрэхтээһиҥҥэ көһөргө күһэллибитэ. Хас ыал аайы көмпүүтэр, атын да үөрэххэ туттуллар техника баар буолбатах. Онон кыһалҕа баар. Бу түгэҥҥэ биһиги дьокутааппыт Руслан Еремеевич бэйэтин баҕатынан 20 планшеты дохуоттара алын кээмэйгэ тиийбэт,  үөрэнэр элбэх оҕолоох ыалга диэн анаабыта олус махталлаах. Руслан Еремеевич куруутун да үөрэх эйгэтигэр болҕомтотун уурар. “Туох көмө нааданый, туох кыһалҕа баарый” диэн ыйыталаһа сылдьар. Кини быһаччы көмөтүнэн Соморсуҥҥа, Чакырга оҕо саадтара тутуллан үлэҕэ киирбиттэрэ. Аны бу Амма Наахараҕа уонна Абаҕаҕа оскуола-сад бырайыактарыгар көмөлөспүтэ. Хайа уонна түөрт оскуолаҕа тэҥинэн оҕолор онно-манна айаннаан билиилэрэ хаҥаатын, сайынныннар диэн УАЗ массыыналары буор-босхо бэлэхтээбитэ бука өрөспүүбүлүкэҕэ да, Арассыыйаҕа да сэдэх түбэлтэ буолуо дии саныыбын. Биһиги кэлбит планшеттары бары сүбэлэһэн оҥорбут испииһэкпитинэн көрөн тарҕата сылдьабыт”, – диэн кэпсиир улуустааҕы үөрэх управлениетын начальнига Юрий Шишигин. 

Хаартыска: Улусмедиа сайтан.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ