Кириэмил официальнай бэрэстэбиитэлэ эбэн этэринэн, Анал этии тирэх тылларыгар үлэлэһэр наада, ол кэннэ, мэлдьи буоларын курдук, дойду баһылыга ситэрэн, чочуйан биэриэҕэ.
Санатан эттэххэ, ааспыт сыл муус устар ыйыгар ыытыллыбыт Анал этиигэ дойду социальнай-экэнэмиичэскэй кыһалҕаларыгар болҕомтотун уурбута, ону таһынан Владимир Путин дойду утары провокациялаах ыйытыктарга кытаанах хоруйдары биэрэргэ эрэннэрбитэ. Российскай Федерация Бэрэсидьиэнэ Владимир Путин Анал этиитин нөҥүө COVID-19 коронавирус пандемиятынан саҕаламмыт кыһалҕалар таарыллыбыттара. Дойду лидерэ дойду гражданнарыгар кэккэ саҥа төлөбүрдэри анаабытын туһунан биллэрбитэ. Федеральнай мунньахха Анал этии 1 чаас 20 мүнүүтэ устата ыытыллыбыта.
Российскай Федерация Конституциятын быһыытынан, сыл ахсын федеральнай мунньахха дойду Баһылыга дойду балаһыанньатын туһунан Федеральнай мунньахха Анал этиитин туһаайар. Бу олус суолталаах бэлитиичэскэй уонна бырагыраамалаах этии, Федерация Сэбиэтигэр эрэ буолбакка, былаас атын уорганнарыгар, ону сэргэ уопсастыбаҕа туһуланар. Федеральнай мунньахха Анал этии ортотунан уһуна биир чаас. Устуоруйаҕа киирбит саамай уһун этии 2018 сыллаахха бэлиэтэммит - Анал этии уһуна 1 чаас 55 мүнүүтэ. Былырыын, 2021 сыллаахха, дойду Бэрэсидьиэнэ Федеральнай Мунньахха Анал этиитин 27-с төгүлүн аахпыта.
Үксүгэр тэрээһин Кириэмилгэ ыытыллар. Арассыыйа гражданнара Федеральнай Мунньахха Анал этиини ТВ-нан, ону тэҥэ интэриниэтинэн, холобур, YouTube платформаҕа көрүөхтэрин сөп. Быйыл Бэрэсидьиэн коронавируснай пандемия уонна биэнсийэ тиэмэтин таарыйара сабаҕаланар.
- 0
- 0
- 0
- 0
- 0
- 0