Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

«Сиэрдээх Арассыыйа» баартыйа фракциятын бэрэссэдээтэлэ Сергей Миронов РФ Госдуматыгар  тырааныспар нолуога суох буоларын туһунан боппуруос бэбиэскэттэн уһуллуо ыраах диэн быһаарар. Кини этэринэн, итини суох гынарга этиини тустаах баартыйа хаста да киллэрбит.

«Сиэрдээх Арассыыйа» баартыйа фракциятын бэрэссэдээтэлэ Сергей Миронов РФ Госдуматыгар  тырааныспар нолуога суох буоларын туһунан боппуруос бэбиэскэттэн уһуллуо ыраах диэн быһаарар. Кини этэринэн, итини суох гынарга этиини тустаах баартыйа хаста да киллэрбит.

Тырааныспар нолуогун суох гынар сокуон барылын тустаах баартыйа бүтэһигин 2019 сыл кулун тутарыгар киллэрбитин  Госдумаҕа маҥнайгы ааҕыыга устан кэбиспиттэр. “Төһө да ити сокуон барылын хас да устубуттарын иһин, Госдума ити боппуруоска төннүөхтээҕин  билэр этим, - диэн парламентарий санаатын үллэстэр. --  Биһиги бырайыакпытыгар майгынныыры “Биир ньыгыл Арассыыйа” баартыйаттан кэллиэгэм киллэрбититтэн улаханнык соһуйбатым. Адьас сөбө суох нолуок.  Тоҕо диэтэххэ,  тимир көлөлөөх дьонтон барыларыттан  нолуогу хомуйаллар, онно бу дьон тимир көлөнү төһө туһаналлара учуоттаныллыбат. Ол курдук, сорох дьон массыыналарын гаражтан сылга биирдэ-иккитэ таһаараллар уонна  күн аайы көлүнээччилэри кытта тэҥ нолуогу төлүүллэр. Бу сөптөөх дуо?»

Санатар буоллахха,  быйыл атырдьах ыйын 20 күнүгэр “Биир ньыгыл Арассыыйа” баартыйа  фракциятын чилиэнэ Адрей Барышев  тырааныспар нолуогун суох оҥорорго аналлаах  сокуон бырайыагын киллэрбитэ. «Бииргэ үлэлиир кэллиэгэм биһиги баартыйабыт бырагырааматыгар майгынныыр, сөп түбэһэр бырайыагы оҥорон киллэрбитин биһириэххэ эрэ наада. Бу бары кыттыһан үлэлиирбитин туоһулуур уонна  Госдума бэрт сотору кэминэн биһиги туруорсуубутун хайаан да ылыныа диэн эрэнэбин», -- диэн Сергей Миронов  этэр.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ