“Ханна даҕаны дьон ылынар. Сокуон барылын официальнай көрүүгэ ыыттыбыт. Күһүҥҥү сиэссийэҕэ ылыныахха сөп”, -- диэтэ Сергей Неверов Арассыыйа Бэрэсидьиэнэ Владимир Путин фракциялар салайааччыларынаан көрсүһүүтүгэр. Дойду баһылыга эмтиэкэлэр эргиэн ситимигэр киирэллэр гынан баран, эмп-том дьон олоҕор тыын суолталаах табаар көрүҥэр киирэринэн, сокуоҥҥа уларытыы киллэриллэрэ тоҕоостооҕун ыйда. “Биир ньыгыллар” эмтиэкэ ситимэ өйдөбүлү олохтуурга уонна биир эрэгийиэн иһигэр ырыынакка ылар өлүүтүн хааччахтыырга, ону тэҥэ “эмтиэкэ көһө сылдьар пууннара” диэн өйдөбүлү киллэрэргэ туруорсаллар. Оччоҕуна киинтэн тэйиччи, ыраах олорор бөһүөлэктэр олохтоохторугар тииһимньилээх буолуох этэ. Маныаха эми тиэрдии өҥөтүн иһин төлөбүр кээмэйин 5 бырыһыантан үрдэппэти уонна эмтиэкэлэр туһанааччыга маҥнай чэпчэки сыаналаах эми атыыга таһааралларын модьуйарга этэллэр. Сокуон барылын эрэгийиэннэргэ өйүүллэрин биллэрдилэр.