Издательский дом Редакция Подписка
Погода в Якутске: . 26 oC
КУРС ЦБ: $ 72,86 | 88,65

Өскөтүн норуоттар икки ардыларынааҕы дуогабардар ис хоһоонноро РФ Төрүт сокуонугар утарылаһар буоллахтарына, Арассыыйаҕа судаарыстыбалар икки ардыларынааҕы уорганнар быһаарыныыларын олоххо киллэрбэт буолуохтара.

Өскөтүн норуоттар икки ардыларынааҕы дуогабардар ис хоһоонноро РФ Төрүт сокуонугар утарылаһар буоллахтарына, Арассыыйаҕа судаарыстыбалар икки ардыларынааҕы уорганнар быһаарыныыларын олоххо киллэрбэт буолуохтара.

РФ Бэрэсидьиэнэ Владимир Путин ити сокуон бырайыагын Госдума көрүүтүгэр киллэрбитэ. Санатан эттэххэ, сокуон барыла бастакы ааҕыытын алтынньы 27 күнүгэр ааспыта. Өскөтүн сокуон бүтэһиктээхтик бигэргэннэҕинэ, Гражданскай, Холуобунай процессуальнай уонна Гражданскай процессуальнай кодексаларга 100-тэн тахса саҥа көннөрүүлэр киириэхтэрэ. Саҥа сокуон нуорматынан, өскөтүн норуоттар икки ардыларынааҕы дуогабар Арассыыйа Төрүт сокуонугар утарылаһар буоллаҕына, РФ иһигэр кини толоруллубат.

Госдума судаарыстыба тутуутугар уонна сокуону оҥорууга сис кэмитиэтин бэрэссэдээтэлэ Павел Крашенинников бэлиэтииринэн, бэрэсэдьиэн көннөрүүлэрэ дойдуга сокуон бэрээдэгин олохтууллар. Ол курдук, саамай үрдүкү миэстэҕэ – РФ Төрүт сокуона турар. Онтон норуоттар икки ардыларынааҕы дуогабардар уонна конвенциялар билинэллэр. Салгыы конституционнай уонна федеральнай сокуоннар, бырабыыталыстыба аакталара кэлэллэр.

Эрдэ Госдума бэрэссэдээтэлэ Вячеслав Володин ити сокуон бырайыага Арассыыйа олохтоохторун интэриэстэрин көмүскүүр уонна дойду тутулуга суох буолуутун мэктиэлиир диэн бэлиэтээбитэ.

   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ