Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

Бүгүн, сэтинньи 17 күнүгэр, Госдума судаарыстыбаны тутууга уонна сокуоҥҥа кэмитиэтин чилиэннэрэ уонна сенатордар бөлөхтөрө даача амнистиятын туһунан сокуон барылын үһүс ааҕыыга көрүөхтэрэ. Онно оҕуруот-саад учаастактарыгар тутуллубут олорор уонна даача дьиэлэригэр бас билии быраабын оҥорторуу судургутуллубут бэрээдэгэ дьайарын өссө биэс сылга – 2026 сыл кулун тутар 1 күнүгэр диэри уһатарга этиллэр.

Бүгүн, сэтинньи 17 күнүгэр, Госдума судаарыстыбаны тутууга уонна сокуоҥҥа кэмитиэтин чилиэннэрэ уонна сенатордар бөлөхтөрө даача амнистиятын туһунан сокуон барылын үһүс ааҕыыга көрүөхтэрэ. Онно оҕуруот-саад учаастактарыгар тутуллубут олорор уонна даача дьиэлэригэр бас билии быраабын оҥорторуу судургутуллубут бэрээдэгэ дьайарын өссө биэс сылга – 2026 сыл кулун тутар 1 күнүгэр диэри уһатарга этиллэр.

Бас билии быраабын оҥорторуу судургутуллубут бэрээдэгин биэс сылга уһатыы даачалаахтарга эрэ сыһыаннаах буолбатах. Кэтэх дьиэҕэ уонна кэтэх хаһаайыстыбаҕа аналлаах сир учаастактарыгар тутуллубут олорор дьиэлэри эмиэ таарыйар. Онон “даача амнистиятын” дьайыыта уһатыллар уонна атын категориялаах сир учаастактарыгар тарҕанарын суотугар кэҥиир буолла.

Маны тэҥэ 2018 сыл атырдьах ыйын 4 күнүгэр диэри тутуута саҕаламмыт олорор дьиэни туттар туһунан иһитиннэриини ыытар кыах эмиэ биэс сылга уһатыллыа. Бу дойду олохтоохторо тутууларын сөргүтэллэрин уонна тутулла турар дьиэлэригэр бас билии быраабын туох да харгыһа оҥортороллорун көҕүлүө диэн сокуон барылын быһаарыытыгар бэлиэтииллэр.

Даача сиригэр дьиэ туттар туһунан иһитиннэрбит кэнниттэн туһааннаах көҥүлү ылан эрэ баран тутууну саҕалыыр бэрээдэк 2018 сыллаахха атырдьах ыйыттан күүһүгэр киирбитэ. Ол кэмҥэ диэри тутууну саҕалаабыттарга, 2021 сыл кулун тутар 1 күнүгэр диэри болдьохтоон, “даача амнистиятын” олохтообуттара. Дьон ити ыйыллыбыт кэмҥэ диэри боломуочуйалаах уоргаҥҥа иһитиннэрии ыытыахтарын сөп. Маныаха тутууга көҥүлү оҥорторон ылар уонна дьиэни үлэҕэ киллэрэр ирдэммэт. Өскөтүн амнистиянан кыайан туһаммакка хааллахха, суутунан эрэ быһаартаран, дьиэни бас билэр быраабы оҥортороҕун. Онто суох дьиэни сокуон билиммэт. Билигин даҕаны даачалаах элбэх киһи  бас билиилэрин регистрациялата иликтэринэн, “даача амнистиятын” 2026 сыл кулун тутар 1 күнүгэр диэри уһатарга этии олохтоох.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ