Издательский дом Редакция Подписка
Погода в Якутске: . 32 oC
КУРС ЦБ: $ 72,86 | 88,65

Хааччахтааһын кэмигэр биисинэстэригэр улахан охсууну ылан, иэскэ киирбит урбаанньыт үгүс. Кинилэр ол иэстэрин төлөһөр болдьохторун уһатан биэрэргэ “Биир ньыгыл Арассыыйа” баартыйа туруорсар.

Хааччахтааһын кэмигэр биисинэстэригэр улахан охсууну ылан, иэскэ киирбит урбаанньыт үгүс. Кинилэр ол иэстэрин төлөһөр болдьохторун уһатан биэрэргэ “Биир ньыгыл Арассыыйа” баартыйа туруорсар.

Сокуон барылын Госдума иккис ааҕыыга өйөөтө. Бырайыак ааптара, Федерация Сэбиэтин бастакы вице-спикерэ, “Биир ньыгыл Арассыыйа” генеральнай сэбиэтин сэкирэтээрэ Андрей Турчак этэринэн, бу сокуон бигэргэнэрин бэйэ дьарыктаах үгүс киһи көһүтэр. Кинилэр хаһан биисинэстэрэ чөлүгэр түһэн, дохуот аҕалыар диэри иэстэринэн ыкпаттарыгар-түүрбэттэригэр баҕараллар.

турчак

«Урбаанньыттарга билигин хаһааҥҥытааҕар да судаарыстыбаттан өйөбүл наада. Чуолаан биэнсийэлээхтэргэ, сааскыттан хааччахтааһыҥҥа олорор дьоҥҥо. Сууттар, приставтар кэлэн, иэстэрин суотугар малларын-тэриллэрин былдьаары гыналлар. Бу сокуон хамсыыр баайы (тимир көлөлөрүн, харчыларын, миэбэллэрин, саҕынньахтарын, о.д.а.) күһэйэн ылары 2021 сыл от ыйын 1 күнүгэр диэри тохтотор күүстээх. Оттон иэстэрин 2021 сыл  ыам ыйыгар диэри төлөһөллөрүгэр бириэмэ биэрэр”.

Бу чэпчэтиинэн 15 мөлүйүөн солкуобайтан элбэҕи суох иэстээх урбаанньыттар, итиэннэ биир мөлүйүөн солкуобайтан аҕыйах иэстээх биэнсийэлээхтэр туһанар кыахтаахтарын тоһоҕолоон бэлиэтииллэр. “Сокуон урбаанньыттар моҥкуруут баралларын уонна биэнсийэлээхтэр быста дьадайалларын харгыстыа диэн эрэнэбит”, -- дииллэр “ньыгыллар”.

   

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ