Издательский дом Редакция Подписка
Погода в Якутске: . 15 oC
КУРС ЦБ: $ 72,86 | 88,65

ТАСС иһитиннэрэринэн, “Түөкүннээһин ньыматынан уонна терроризмы үбүлээһиҥҥэ анаан ылыллыбыт дохуоту аһаҕас эргииргэ таһаарыыны утары дьайыы туһунан” 2001 сыл атырдьах ыйын 7 күнүгэр тахсыбыт 115 №-дээх федеральнай сокуоҥҥа Арассыыйа олохтоохторо уу харчыны эргитэллэрин хонтуруоллааһыны күүһүрдэр уларытыы бүгүҥҥүттэн, тохсунньу 10 күнүттэн, күүһүгэр киирдэ.

ТАСС иһитиннэрэринэн, “Түөкүннээһин ньыматынан уонна терроризмы үбүлээһиҥҥэ анаан ылыллыбыт дохуоту аһаҕас эргииргэ таһаарыыны утары дьайыы туһунан” 2001 сыл атырдьах ыйын 7 күнүгэр тахсыбыт 115 №-дээх федеральнай сокуоҥҥа Арассыыйа олохтоохторо уу харчыны эргитэллэрин хонтуруоллааһыны күүһүрдэр уларытыы бүгүҥҥүттэн, тохсунньу 10 күнүттэн, күүһүгэр киирдэ.

Bryan Cave Leighton Paisner (Russia) LLP юрхампаанньа нолуок практикатыгар ыстаарсай юриһа, Moscow Digital School (инновационнай билии бизнес-оскуолата, технологическай стартап) экспертэ Дмитрий Кириллов бэлиэтииринэн, тохсунньу 10 күнүттэн хааччахтааһын элбээтэ, оттон хааччахтааһын олохтоммут эйгэтигэр судаарыстыба болҕомтото күүһүрдэ.

Аналитиктар Арассыыйаҕа кэлиҥҥи уон сылга уу харчы сиэри таһынан элбээтэ диэн ааҕаллар. “Туһаныы эйгэтигэр икки саҥа хааччах киллэрилиннэ, -- диир Д.Кириллов. – Почтанан 100 тыһ. солкуобайтан тахса суумалааҕы ыытыы уонна итиччэ суумалаах үбү сибээс оператордарын счеттарыттан төннөрүү хонтуруолланар буолуоҕа. Итинэн биир киһи атын киһи мобильнай төлөпүөнүн балаансын толорбутун устан, баан тиһигин нөҥүөлээн үбү биэрэр ханаала бүөлэнэрэ ситиһиллиэ”.

Ону тэҥэ уу харчыны эргитиини хонтуруоллааһын күүһүрүөҕэ, чуолаан, 600 тыһ. солкуобайтан элбэх үбү ыытар эпэрээссийэ туһунан иһитиннэрии Росфинмониториҥҥа бэриллэн иһиэҕэ. “Эрдэ тэрилтэ хаһаайыстыбаннай үлэтигэр сөп түбэспэт эрэ буоллаҕына, булгу хонтуруолланара. Аны тохсунньуттан 600 тыһ. солкуобайтан тахса суумалаах үбү устуу эбэтэр көһөрүү дьайыыта аҥаар кырыытыттан хонтуруолланар буолуо”, -- диир юрист.

Госдума үп ырыынагар кэмитиэтин салайааччыта Анатолий Аксаков эрдэ бэлиэтээбитин курдук, 600 тыһ. солкуобайтан тахса суумалаах уу харчыны ыытар уонна устар тохтотуллуо суоҕа эрээри, ол туһунан иһитиннэрии Росфинмониториҥҥа ырытыыга бэриллиэҕэ. Хааччахтааһыннары сэргэ дойду олохтоохторун туһаларыгар сорох өттүгэр мөлтөтүү ылылынна. Ол курдук, быстахтык ыллахха, кыраныысса таһыгар кимэ биллибэт бас билээччигэ арыллыбыт счекка харчыны ыытыыны эбэтэр оннук счеттан ылыыны булгуччулаах хонтуруоллааһын тохтотулунна. Кириллов саныырынан, ити түөкүннүүргэ хайаҕас буолуон сөп.

Ону таһынан лизинг дуогабарынан баайы-дуолу ылыы эмиэ хонтуруолламмат буолла, 600 тыһ. солкуобайтан тахсар лизинг төлөбүрэ эрэ хонтуруолланыа.

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ