Издательский дом Редакция Подписка
Погода в Якутске: . -24 oC
КУРС ЦБ: $ 71,53 | 82,83

Көмүс күһүнү, дьыл саҥа кэмин кытта, биһиги олохпутугар эмиэ саҥа уларыйыылар, ирдэбиллэр, сокуоннар, быраабылалар киириэхтэрэ.

Көмүс күһүнү, дьыл саҥа кэмин кытта, биһиги олохпутугар эмиэ саҥа уларыйыылар, ирдэбиллэр, сокуоннар, быраабылалар киириэхтэрэ.

Ааһыныахха сөп

 Массыына ыытааччылар суол быраабылатын кэспиттэригэр ууруллубут ыстараабы балаҕан ыйын 1 күнүттэн Судаарыстыбаннай өҥө саайтын нөҥүө ааһыныахтарын сөп буолар. Бу иннинэ ГИБДД салаатыгар киһи бэйэтэ тиийэрэ эбэтэр сакаастаммыт суругу ыытара ирдэнэрэ. Балаҕан ыйын 1 күнүттэн Судаарыстыбаннай өҥө порталыгар тус кэбиниэккэ киирэн, үөскээбит балаһыанньаны быһааран суруйан, итиэннэ ону туоһулуур докумуоннары сыһыаран, ааҕыллыбыт ыстараабы ааһыныахха сөп буолар.

ГИБДД

Дьиҥнээҕэ онно биллиэ

 Балаҕан ыйын 4 күнүттэн болдьоҕо ааһан буортуйбат үүт састаабыгар дьиҥнээх үүт баарын-суоҕун билэр буолуохпут. Ити күнтэн ыла үүт бородууксуйатын оҥорооччулар, ол иһигэр урбаанньыттар уонна кыраныысса таһыгар таһаарааччылар, үүт састаабыгар дьиҥнээх үүт баар буоллаҕына, харайыллар болдьоҕун 40 күнүнэн быһыахтаахтар. Бу быраабыла үүккэ, сүөгэйгэ, суоракка, ынах арыытыгар иэдьэгэйгэ, йогурка эмиэ сыһыаннаах. Санатар буоллахха, сыыры уонна мороженайы булгуччу маркировкалааһын быраабылатын бу иннинэ киллэрбиттэрэ.

Төрөппүт бэйэтэ быһаарар

Саҥа үөрэх дьылыттан төрөппүттэр оҕолорун дьиэҕэ олорон үөрэниигэ көһөрөр бырааптаналлар. Оннук быһаарыныы туох эрэ улахан суолталаах биричиинэлээх буолара аны ирдэммэт. Кылаабынайа, оскуола дьаһалтатыгар эрдэттэн сэрэтиэхтэрин уонна оҕо кэмиттэн кэмигэр аттестация кэлэн ааһарын быһаарсыахтарын наада. Өскөтүн оҕо дьиэтиттэн үөрэнэригэр үөрэх бырагырааматын баһылаабатах буоллаҕына, кинини кылааһыгар хааллараллар уонна салгыы оскуолаҕа үөрэнэр буолар. Бэлиэтиир тустаах. Дьиэҕэ олорон үөрэниини (семейное обучение) оҕо доруобуйатын туругунан дьиэтигэр үөрэнэрин уонна оскуола дьаһалтата быһаарыытынан дьиэттэн олорон үөрэниини (дистанционное обучение) кытта бутуйумаҥ, бу олох туспа көрүҥ.

Таһаҕаһы таһыы ирдэбилэ

Балаҕан ыйын 1 күнүттэн РФ Тырааныспарынан өҥөнү оҥорууну кэтиир сулууспатын реестригэр киллэриллибит эрэ тэрилтэлэр дойдулар икки ардыларыгар таһаҕаһы массыынанан тиэйэр-таһар буолуохтара. Урукку курдук, кумааҕы дастабырыанньа уонна өҥөнү оҥорору көҥүллүүр хаарта бэриллибэт буолуоҕа. Таһаҕаһы таһарга көҥүллээхтэрин туһунан иһитиннэрии РФ Тырааныспарынан өҥөнү оҥорууну кэтиир сулууспатын саайтыгар киллэриллэр.

Грузоперевозка

Үлэ киниискэтин толоруу

Балаҕан ыйын 1 күнүттэн үлэ киниискэтин толоруу быраабылата уларыйар. Билигин кумааҕы уонна электроннай үлэ киниискэлэрэ бааллар. Ол курдук, балаҕан ыйын 1 күнүттэн үлэ биэрээччи үлэ киниискэтигэр киллэрбит суругун кытта үлэһит билсэр уонна илии баттыыра ирдэммэт буолар.

Трудовая книжка

Тус дааннайгын мээнэ биэрбэккин

 Балаҕан ыйын 1 күнүттэн киһи тус дааннайдарын туһанарга сөбүлэҥ ылар тэрилтэ бу сөбүлэҥ үлэлиир болдьоҕун, тус дааннайдары туох сыалга туттарын, ханнык тэрилтэҕэ ыытарын булгуччу чопчулуохтаах уонна киһиэхэ биллэриэхтээх. Санатар буоллахха, 2021 сыл кулун тутар 1 күнүттэн Арассыыйаҕа килийиэн тус дааннайдарын биэрии туһунан иһитиннэриигэ туох да диэн эппиэт биэрбэтэҕинэ, кини дааннайдарын атын сиргэ ыытары бобор туһунан сокуон үлэлээбитэ.

Каарта оҥорторо охсуохха наада

Атырдьах ыйын 22 күнүттэн ОСАГО тырааныспар страховкатын сокуонугар көннөрүүлэр киирдилэр. ОСАГО полис ыларга тиэхиньикэ туругун туһунан каартаны көрдөрөр ирдэммэт буолла. Ол эрээри, тиэхиньикэ туругун быһаарар диагностиканы барыы тохтотуллубатах. Ол курдук, тырааныспар хаһаайына массыынатын тустаах тэрилтэҕэ көрдөрөрө ордук. 2022 сыл кулун тутар 1 күнүттэн тырааныспар диагностикатын каартата суох киһи 2 тыһ. солк. суумаҕа ыстарааптанар буолуоҕа. Массыына ыытааччы бу маннык докумуона суох сылдьарын суолга баар видеокамералар көмөлөрүнэн быһаарыахтара, сууккаҕа биир ыстараабы түһэриэхтэрэ. Өскөтүн тиэхиньикэ туругун туһунан каартата суох киһи массыыната дьиэгирбитин түмүгэр саахал буруйдааҕынан буоллаҕына, ОСАГО страховката ороскуотун толуйбат. Холобур, массыына туормаһа аккаастаан, атын массыынаҕа саайылыннаҕына, ОСАГО страховкатын биэрбит тэрилтэ эмсэҕэлээбит массыына хаһаайыныгар ороскуотун толуйар, ол кэннэ ол төлөбүрү саахал буруйдааҕыттан төнүннэригэр ирдиир.

fdVS95WvBJE

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
ПОДЕЛИТЬСЯ СТАТЬЕЙ