Ил Түмэн бүддьүөккэ, үпкэ, нолуокка уонна бас билии боппуруостарыгар сис кэмитиэт бэрэссэдээтэлэ Юрий Николаев иһитиннэрдэ. Пуонда 2021 сыллаах бүддьүөтүн дохуота 38,2 млрд солк. тэҥнэспит, 2020 сылы кытта тэҥнээтэххэ, 513 мөл. солк. улааппыт. Оттон 2022 сыллааҥҥы дохуот 40,2 млрд солк., 2023 сыллааҥҥы дохуот 42,5 млрд солк. улаатарын барыллаан быһаарбыттар. 2021 сылга пуондаҕа өрөспүүбүлүкэ бүддьүөтэ 1 млрд солк. тахса сууманы көрүөҕэ. 2022 сылга – 1,2 млрд солк. курдугу, 2023 сылга – 1,3 млрд солк. көрөрө былааннанар.
Федеральнай бырагырааманан үбүлэммит стационарга көмө миэрэтигэр эбии 311 мөл. солк., 2020 сылга – 601 мөл. солк., 2023 сылга – 705 мөл. солк. көрүөхтэрэ.
Оттон булгуччулаах мэдиссиинискэй страховкалааһын бырагырааматынан көрүллүбэтэх миэрэлэргэ, ол курдук амбулаторияҕа уонна дьиэҕэ палиативнай көмөнү оҥорууга уонна куойка миэстэлэрин үбүлээһинигэр 2021 сылга 723 мөл. солк., 2022 сылга 392 мөл. солк, 2023 сылга 705 мөл. солк. көрүллүбүт.
Норуот дьокутааттара Владимир Чичигинаров федеральнай бырагыраамаҕа киирбэтэх миэрэлэри эбии үбүлээһиҥҥэ көннөрүү киллэрбит. Кини төһө да коронавирус пандемиятыгар уустук кэм турбутун иһин, палиативнай көмөҕө болҕомто улаатыахтааҕын бэлиэтээтэ. Дьокутаат Роза Солнышкина түгэнинэн туһанан Госдума дьокутаата Галина Данчиковаттан мэдэссиинискэй көмөнү оҥорууга федеральнай сокуоҥҥа киирбит уларыйыыны чуолкайдаан ыйытта. Киниэхэ сиһилии эппиэти суругунан тиэрдиэх буоллулар.
Ил Түмэн дьокутааттара сокуон барылын иккис уонна бүтэһик ааҕыыга ылыннылар.
- 0
- 0
- 0
- 0
- 0
- 0